الماتى ماڭىندا اپاتقا ۇشىراعان ۇشاق جولاۋشىلارىنىڭ ىشىندە ءىىم-ءنىڭ قۇرمەتتى ارداگەرى رۇستەم قايداروۆ تا بولعان. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى.
ىشكى ىستەر ءمينيسترى جانە ءىىم-ءنىڭ جەكە قۇرامى رۇستەم ەسىمحان ۇلىنىڭ تۋعان- تۋىستارىنا, جاقىن-جۋىقتارىنا قايعىرىپ كوڭىل ايتتى.
رۇستەم قايداروۆ - ادىلەت گەنەرال-مايورى, ءوز ەڭبەك جولىن قاراپايىم تەرگەۋشىدەن باستاپ, ىشكى ىستەر ءمينيسترىنىڭ ءبىرىنشى ورىنباسارىنا دەيىن كوتەرىلدى. رۇستەم ەسىمحان ۇلى قازاقستاندىق پوليتسيانىڭ قالىپتاسۋى مەن دامۋىنا, قىلمىسپەن كۇرەسكە جانە قوعامدىق ءتارتىپتى ساقتاۋعا ولشەۋسىز ۇلەس قوستى. ەلىمىزدىڭ ءار تۇپكىرىندە باسشىلىق لاۋازىمدا لايىقتى قىزمەت اتقارىپ جۇرگەن قۇقىق قورعاۋ جۇيەسىنىڭ كوپتەگەن قىزمەتكەرىن تاربيەلەپ شىعاردى.
«ول قۇرمەتتى ەڭبەك دەمالىسىندا جۇرسە دە قوعامدىق ومىرگە بەلسەنە ارالاستى, قازاقستاندىق پوليتسيانىڭ جاڭا بۋىنىن پاتريوتتىق رۋحتا تاربيەلەۋ, ۇرپاقتار ساباقتاستىعىن جالعاۋ ىسىنە ۇلەس قوستى. ءىىم-ءنىڭ قۇرمەتتى ارداگەرى رۇستەم ەسىمحان ۇلى قايداروۆتىڭ قايعىلى قازاسى بۇكىل ەلىمىزدىڭ قۇقىق قورعاۋ جۇيەسىنە ورنى تولماس اۋىر قايعى ەكەنى ءسوزسىز», -دەلىنگەن حابارلامادا.