اياگوزدە 175 ادام تەگىن گرانتقا يە بولدى

جىل باسىنان بەرى مەملەكەت تاراپىنان بيزنەس يدەيالارى بار كوپ بالالى وتباسىلارعا, جاستارعا جانە مۇگەدەك جاندارعا 200 اەك (505 000 تەڭگە) كولەمىندە تەگىن گرانتتار بەرىلىپ جاتقانى بەلگىلى. اياگوز اۋدانى بويىنشا اتالمىش گرانتتى 175 ادام يەلەنىپتى. ونىڭ 92-ءسى - جاستار, 15-ءى - مۇگەدەك جاندار, 11-ءى - ءوزىن-ءوزى جۇمىسپەن قامتىعاندار, 57-ءسى - كوپ بالالى انالار.  «وسىنداي قولداۋدىڭ ارقاسىندا ءارتۇرلى بيزنەس باستامالار جۇزەگە استى. تىگىن تسەحى, مال بورداقىلاۋ الاڭدارى اشىلدى. ءارتۇرلى باعىتتاردا كاسىپتەرىن باستاعاندار كوبەيدى» دەيدى اۋداندىق ىشكى ساياسات ءبولىمىنىڭ باسشىسى مەدەت مىرزىكەشوۆ.

سولاردىڭ ءبىرى - كوپ بالالى انا اسەمگۇل سەيىتوۆا. ء«وزىمنىڭ جەكە كاسىبىمدى اشپاق ويىم بار ەدى. بىراق ۇيدە بالامەن وتىرىپ, بۇل ءىستى قولعا الۋعا مۇمكىندىك بولمادى. سوندىقتان مەملەكەت ۇسىنعان 505 مىڭ تەڭگە گرانتقا ءوتىنىم ءبىلدىرىپ, جوبامدى ۇسىندىم. قازىر گرانت ارقىلى بەرىلگەن قاراجاتقا مال الىپ, ۇيدە وتىرىپ-اق كاسىپپەن ششۇعىلدانىپ جاتىرمىن» دەيدى ول.

 شىعىس قازاقستان وبلىسى,

اياگوز اۋدانى