بيىلعى جىلدىڭ قورىتىندىسى بويىنشا ەلىمىزدە 16 شارۋا قوجالىق «ساندىق» جۇيەگە كوشىپ, مال شارۋاشىلىعىندا 6 smart-فەرما پايدا بولدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.
اشم «تسيفرلى قازاقستان» مەملەكەتتىك باعدارلاماسىن ىسكە اسىرۋ اياسىندا ەلىمىزدىڭ اگروونەركاسىپتىك كەشەنىنە اۆتوماتتاندىرىلعان جۇيەلەردى ەنگىزۋدە. قازىرگى زامانعى ساندىق تەحنولوگيالار ەسەبىنەن مينيسترلىك ەڭبەك ونىمدىلىگىن, سونداي-اق اگرارلىق كاسىپورىنداردىڭ باسەكەگە قابىلەتتىلىگىن ارتتىرۋدى جوسپارلاپ وتىر.
2019 جىلى اۋىل شارۋاشىلىعى مينيسترلىگى اگراريالار مەن ءىت-قاۋىمداستىقتار اراسىنداعى ءوزارا ءىس-قيمىلدى قامتاماسىز ەتۋ جونىندەگى جۇمىستى جالعاستىردى. جىل قورىتىندىسى بويىنشا وسىمدىك شارۋاشىلىعىندا قوسىمشا 16 «ساندىق» شارۋاشىلىق, ال مال شارۋاشىلىعىندا 6 smart-فەرما پايدا بولدى.
ايتا كەتسەك, 2018 جىلى 12 شارۋا قوجالىعى مەن 3 قۇس فابريكاسى «ساندىق» جانە مال شارۋاشىلىعىنا بەيىمدەلگەن 12 قوجالىق «smart-فەرما» مارتەبەسىنە يە بولدى. بۇگىنگى تاڭدا ەلىمىزدە كومپيۋتەرلىك جۇيەلەر ارقىلى اۆتوماتتاندىرىلعان اۋىل شارۋاشىلىعى كاسىپورىندارىنىڭ جالپى سانى 49-عا جەتتى.