سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى شىعىس قازاقستان وبلىسىنا جۇمىس ساپارى بارىسىندا وبلىس اكىمىنىڭ قوعامدىق قابىلداۋىنىڭ تۇساۋكەسەرىنە قاتىستى.
قوعامدىق قابىلداۋ قىزمەتىنىڭ ماقساتى – ء«بىر تەرەزە» ۇستانىمى بويىنشا وبلىستىڭ جەرگىلىكتى اتقارۋشى ورگاندارىنا جۇگىنۋگە قولايلى جاعداي جاساۋ, مەملەكەتتىك ورگانداردىڭ قىزمەتىنە قاتىستى اقپاراتتاردى ۇسىنۋدىڭ قولجەتىمدىگى مەن ساپاسىن ارتتىرۋ.
مەملەكەت باسشىسى بەكىتكەن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ماقساتىندا اگەنتتىك توراعاسى اليك شپەكباەۆ جانە وبلىس اكىمى دانيال احمەتوۆ اتالعان قوعامدىق قابىلداۋ الاڭىندا ازاماتتاردى جەكە ماسەلەلەر بويىنشا قابىلدادى.
سونداي-اق «شىعىس – ادالدىق الاڭى» جوبالىق كەڭسەسىنىڭ جانە «بيزنەس پەن ينۆەستيتسيانى قورعاۋ» جوباسىنىڭ بىرلەسكەن قىزمەتى اياسىندا سىبايلاس جەمقورلىققا قارسى قىزمەت باسشىسى شقو جەدەل باسقارۋ, اقپاراتتىق تەحنولوگيالار جانە «INVEST IN EAST» ينۆەستيتسيالىق كەڭسەسىنىڭ ورتالىقتارىمەن تانىستى.
ءدال وسى كۇنى ا.شپەكباەۆ جانە د.احمەتوۆ د.سەرىكباەۆ اتىنداعى شقمتۋ-دە وتكەن «پاراساتتى ۇرپاق» اتتى سىبايلاس جەمقورلىققا قارسى ستۋدەنتتىك فورۋمگە قاتىستى. فورۋمدا قازاقشا كۇرەستەن قر-نىڭ ەڭبەك سىڭىرگەن سپورت شەبەرى, «الەم بارىسى», «قازاقستان بارىسى» - ايبەك نۇعىماروۆ, الەم چەمپيونى, وليمپيادا ويىندارىنىڭ قولا جۇلدەگەرى – يۋليا گالىشەۆا, شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتورى مەيىر ەسكەندىروۆ, «Sanaly urpaq» بەلسەندىلەرى ءسوز سويلەدى.
پاراساتتىلىق پەن ادالدىقتى بەينەلەيتىن «اق الاقان» – «چيستىە رۋكي» جوباسى تانىستىرىلىپ, ۋنيۆەرسيتەتتىڭ پاراساتتىلىق كەڭسەسى اشىلدى.
ءوز كەزەگىندە, فورۋمدى قورىتىندىلاي كەلە, اگەنتتىك توراعاسى, قازاقستان جاستارى – سىبايلاس جەمقورلىققا قارسى ءىس-قيمىل جاساۋعا دايىن ەڭ بەلسەندى جانە ناتيجەلى توپ ەكەندىگىن اتاپ ءوتتى.
سونىمەن قوسا جاستاردى سىبايلاس جەمقورلىققا قارسى تاربيەلەۋگە جانە وتباسى ينستيتۋتىنىڭ رولىنە نازار اۋداردى. ء«بىلىم بەرۋ ۇيىمدارىنىڭ سىبايلاس جەمقورلىققا قارسى اعارتۋ سالاسىنداعى بەلسەندى الەۋمەتتىك سالا ەكەندىگى ءسوزسىز. دەگەنمەن, مەنىڭ ويىمشا جاستاردا جەمقورلىققا قارسى مادەنيەت قالىپتاستىرۋدا وتباسى, ناقتىراق ايتقاندا ونىڭ تاربيەلىك فۋنكتسياسى ەڭ ماڭىزدى ءرول اتقارادى. وتباسىندا وسكەلەڭ ۇرپاقتىڭ تاربيەسىنە ەرەكشە نازار اۋدارىلۋى ءتيىس, سەبەبى بالانىڭ ساناسى مەن قۇقىقتىق مادەنيەتى ونىڭ تاربەسىنە بايلانىستى. ەگەر ونىڭ بويىندا ار-ۇيات, ادىلدىك پەن پاراساتتىلىق قاسيەتتەرى بولسا, ول ەشقاشان زاڭ بۇزبايدى, دەمەك سىبايلاس جەمقورلىق قۇقىق بۇزۋشىلىعىن جاسامايدى جانە حالقىنا ادال قىزمەت ەتەدى», دەپ اتاپ ءوتتى ا.شپەكباەۆ.
فورۋم سوڭىندا سىبايلاس جەمقورلىققا قارسى قىزمەت باسشىسى «شىعىس – ادالدىق الاڭى» جوباسى اياسىندا شىعىس قازاقستان گۋمانيتارلىق كوللەدجىنە باردى. ءبىلىم بەرۋ مەكەمەلەرىندەگى پاراساتتىلىق مەكتەپتەرىنىڭ ماقساتى – وسكەلەڭ ۇرپاققا رۋحاني قۇندىلىقتار مەن جوعارى ادامگەرشىلىك قاسيەتتەردى, سىبايلاس جەمقورلىققا قارسى مادەنيەتتى قالىپتاستىرۋ.
سونداي-اق اگەنتتىك توراعاسى س.امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ستۋدەنتتەرگە قىزمەت كورسەتۋ ورتالىعىنىڭ جۇمىسىمەن تانىستى. اتالعان ورتالىقتا ستۋدەنتتەرگە ء«بىر تەرەزە» ۇستانىمى بويىنشا اكىمشىلىك جانە كەڭەس بەرۋ باعىتىنداعى قىزمەتتەر كورسەتىلەدى.