«تۋعان جەر» باعدارلاماسىن جۇزەگە اسىرۋجانە جاستاردىڭ بويىنا پاتريوتتىق رۋحتاعى سەزىم ۇيالاتۋ ماقساتىندا ماڭعىستاۋ وبلىسى پوليتسيا دەپارتامەنتى كادر ساياساتى باسقارماسىنىڭ ۇيىمداستىرۋىمەن قالا, اۋدان پوليتسيا باسقارما, بولىمدەرىنىڭ ينسپەكتورلارى جاس ماماندارمەن, ۇمىتكەرلەرمەن بىرگە ماڭعىستاۋ وبلىسىنىڭ اۋماعىندا ورنالاسقان ولكەتانۋ مۇراجايلارىنا ساياحات جاسادى. بۇل تۋرالى ماڭعىستاۋ وبلىستىق پوليتسيا دەپارتامەنتى ءباسپاسوز قىزمەتى حابارلادى.
ماسەلەن, ماڭعىستاۋ اۋدانى پوليتسيا ءبولىمىنىڭ قىزمەتكەرلەرى ولكە تاريحىمەن, ۇلتتىق قۇندىلىقتارىمەن تانىسۋ ماقساتىندا شەتپە سەلوسىندا ورنالاسقان ورتالىق ولكەتانۋ مۇراجايى جانە سەرىكبول قوندىباەۆ اتىنداعى مۇراجايعا بارىپ, بەلگىلى ادەبيەتتانۋشى, جازۋشى س.قوندىباەۆتىڭ ءومىرى, قازاق ميفولوگياسىنا قوسقان ۇلەسى تۋرالى كوپ ماعلۇماتتار الدى.
بەينەۋ اۋدانى پوليتسيا ءبولىمىنىڭ قىزمەتكەرلەرى بەينەۋلىك جاستاردى باستاپ اۋداندىق تاريحي-ولكەتانۋ مۇراجايىنا ساياحاتتاپ قايتتى.
قاراقيا اۋدانى پوليتسيا ءبولىمىنىڭ قىزمەتكەرلەرى جانە جاڭادان تاعايىندالعان جاس ماماندار مەن ۇمىتكەرلەردى «گەولوگ-بارلاۋشىلار» مۇراجايىنا ەكسكۋرسياعا اپاردى.
تۇپقاراعان اۋدانى پوليتسيا ءبولىمىنىڭ پوليتسەيلەرى فورت-شەۆچەنكو قالاسىنىڭ ەتنوگرافيالىق مۇراجايىنىڭ ىشكى قۇندىلىقتارىمەن تانىسسا, جاڭاوزەن قالاسى پوليتسيا باسقارماسىنىڭ قىزمەتكەرلەرى قالالىق تاريحي-ولكەتانۋ مۇراجايىنا ەكسكۋرسيا جاسادى.
جاس ماماندار ماڭعىستاۋ وبلىستىق تاريحي-ولكەتانۋ مۋزەيلەرىمەن تانىسۋ بارسىندا – كيەلى تۇبەكتى قاشاننان مەكەندەگەن قاھارمان حالىقتىڭ ءومىر سالتىن بۇكپەسىز بەينەلەيتىن جاۋھار جادىگەرلەر مەن قاسيەتتى شاڭىراقپەن 1975 جىلى قۇرىلعان مۋزەي قورىنداعى 58 مىڭعا جۋىق ۇلتتىق قۇندىلىق پەن تاريحي جادىگەرلەرمەن تانىسىپ, ماڭعىستاۋدىڭ تۇمسا تابيعاتى مەن تاريحى جانە ەتنوگرافياسىمەن تانىستىرىپ قانا قويماي, حالىقتى زيالى قاۋىممەن تابىستىراتىن رۋحاني ورتالىققا اينالعان مۋزەيدەگى الەمنىڭ تۇكپىر-تۇكپىرىنەن كەلەتىن جيھانكەزدەردىڭ تاريحىمەن دە تانىستى.
قىزمەتكەرلەر «تۋعان-جەر» باعدارلاماسى اياسىندا ۇيىمداستىرىلعان ساياحاتتا مۇراجايلار قورىنداعى جادىگەرلەردىڭ نەگىزىن قۇرايتىن ولكەدەگى مول قازبا جۇمىستارى ارقىلى تابىلعان ارحەولوگيالىق, پالەونتولوگيالىق جيناقتار, گەرباريلەر, سونىمەن قاتار مۇراجايدىڭ نەگىزگى ماقتانىشى بولىپ ەسەپتەلەتىن ماڭعىستاۋدىڭ ەرەكشە زەرگەرلىك بۇيىمدارى جانە كيىز ءۇي جابدىقتارى, ولكە جەرىنە بەلگىلى تاريحي تۇلعالار مەن مادەنيەت, ونەر, ادەبيەت, عىلىم, حالىق اعارتۋ, دەنساۋلىق ساقتاۋ, ءوندىرىس سالالارىندا ەرەكشە ەڭبەگى سىڭگەن قايراتكەرلەر جونىندە جانە مەكەمە, ءوندىرىس ورىندارى تۋرالى قۇجاتتارمەن تانىسىپ, رۋحاني-دۋنيەتانىمدارىن دامىتتى. سونىمەن قاتار, مۇراجاي قورىندا جەرگىلىكتى تۇرعىندار مەن ماڭعىستاۋعا كەلگەن العاشقى ورىس قونىستانۋشىلارى ۇستاپ تۇتىنعان تۇرمىستىق بۇيىمدار, ەڭبەك قۇرالدارى, فوتوشەجىرەلەر, ولكەنىڭ تابيعاتى, وسىمدىكتەرى مەن جانۋارلار دۇنيەسىن كورسەتەتىن ءارتۇرلى ت ۇلىپتار مەن ىلعالدى پرەپاراتتار جايىندا ماعلۇمات الدى.