پەتروپاۆلداعى وقۋشىلار سارايىندا وبلىس اكىمىنىڭ شىرشاسى ءوتىپ, وعان وقۋدا ۇزدىك, ءتۇرلى بايقاۋلاردا جەڭىمپاز بولعان جانە جاعدايى تومەن, كوپبالالى وتباسىلاردان شىققان بالالار قاتىستى.
مەرەكەلىك شارادا «ۇلا دالا», «ابايدىڭ 175 جىلدىعىنا», «تىشقاندار حانشايىمى» دەپ اتالاتىن ەرەكشە كوستيۋم كيگەن بۇلدىرشىندەر جۇرتشىلىقتىڭ نازارىنا ىلىكتى. ەرتەڭگىلىكتە ونەرپاز بالالار جينالعانداردى كونتسەرتتىك باعدارلامامەن قۋانتتى.
باتىر, ۇلى دالا, عارىشكەر مەن ءتۇرلى ەرتەگى كەيىپكەرلەرى بولىپ كيىنگەن بالالاردىڭ اراسىندا ەرەكشە كوستيۋمىمەن كوزگە تۇسكەندەردىڭ ءبىرى اقجار اۋدانىنا كەلگەن التىناي تىلەۋتاەۆا. ول كەلەر جىلدىڭ سيمۆولى سانالاتىن تىشقاندى بەينەلەگەن. «جاڭاجىلدىق كوستيۋمدى تىگۋگە تاتەم كومەكتەستى. جاڭاجىلدىق كوڭىل- كۇيىم جاقسى. تاقپاق وقىپ بەرەمىن», دەيدى ول.
ۇلدار جاعى وزدەرىنىڭ سۇيىكتى كەيىپكەرلەرى– زوررونىنى, ورمەكشى ادامدى, عارىشكەردى بەينەلەپتى. ەلدوستىڭ ارمانى– عارىشكەر بولۋ.
كارناۆالدىق بالعا جينالعان بۇلدىرشىندەردى وبلىس اكىمىنىڭ ورىنباسارى رۋسلان الىشەۆ ايماق باسشىسى اتىنانا قۇتتىقتاپ, جىلى تىلەگىن جولدادى.
تەاترلاندىرىلعان كورىنىس مەرەكە شىرايىن اشا ءتۇستى. 200-دەن استام بالا قاتىسقان جاڭا جىلدىق شىرشادا ۇزدىك كوستيۋمدەرگە بەرىلەتىن باس جۇلدەنى تايىنشا اۋداندىق قاراعاش ورتا مەكتەبىنىڭ وقۋشىسى جانسايا قۇداباي يەلەندى. ونىڭ كوستيۋمى «ۇلا دالا» دەپ اتالادى.