قاراعاندى وبلىسى اكىمىنىڭ جاڭاجىلدىق شىرشا مەرەكەسى بيىل ء«بىز – ەلىمىزدىڭ جارقىن بولاشاعىمىز!» دەگەن اتاۋمەن ءوتتى. ءداستۇرلى مەرەكەلىك شاراعا بالالار ءۇيىنىڭ 180 تاربيەلەنۋشىسى, ۇزدىك وقۋشىلار, زياتكەرلىك جانە سپورتتىق وليمپيادالاردىڭ جەڭىمپازدارى, كوپ بالالى جانە از قامتىلعان وتباسىلارىنان شىققان بالالار مەن مۇمكىندىگى شەكتەۋلى بالاقايلار قاتىستى.
جۇزدەرى بال-بۇل جانعان بالالاردى قۇتتىقتاعان وبلىس اكىمى جەڭىس قاسىمبەك ءبىزدىڭ ەلىمىزدە جاس بۋىننىڭ الاڭسىز وسۋىنە بارلىق جاعدايدىڭ جاسالىپ جاتقانىن اتاپ ءوتتى.
– سىزدەردىڭ جاقسى ءبىلىم الىپ, كوپتەگەن بايقاۋلارعا قاتىسىپ, جەڭىسكە جەتۋلەرىڭىزگە, بيىكتەردەن كورىنۋلەرىڭىزگە تىلەكتەسپىن. كەلەسى جىلى سىزدەردىڭ بارلىق تىلەكتەرىڭىز ورىندالاتىنداي تابىستار مەن جەڭىستەر بولسىن. كەلە جاتقان جاڭا جىلمەن قۇتتىقتايمىز! – دەدى ول.
شىرشا مەرەكەسىندە بالالارعا پلانشەتتەر, تاتتىلەر جيىنتىعى جانە 60 مىڭ تەڭگە سوماسىنداعى سەرتيفيكاتتاردان قۇرالعان جاڭاجىلدىق سىيلىقتار تابىس ەتىلدى.
وبلىس اكىمى اتىنان ۇيىمداستىرىلعان مەرەكەلىك شارا سوڭىندا بالالار سالتاناتتى تۇسكى اس داستارقانىنان ءدام تاتتى.