كەنشىلەر استاناسىندا Nur Otan پارتياسىنىڭ ءبىر توپ مۇشەسى ماراپاتتالدى, دەپ حابارلادى وبلىس اكىمىنىڭ ءباسپاسوز قىزمەتى.
ماراپاتقا يە بولعانداردى قۇتتىقتاعان سوزىندە Nur Otan پارتياسى قاراعاندى وبلىستىق فيليالىنىڭ توراعاسى, وبلىس اكىمى جەڭىس قاسىمبەك بيىلعى جىلدىڭ پارتيا ءۇشىن وتە مازمۇندى جانە جەمىستى بولعانىن اتاپ ءوتتى.
– ەلباسى ايتقانداي, Nur Otan پارتياسى بۇكىلحالىقتىق پارتياعا اينالۋى ءتيىس. ءبىزدىڭ وبلىستا پارتيامىزدىڭ 100 مىڭنان استام مۇشەسى بار. ولار – قاراپايىم جۇمىسشىلار, مۇعالىمدەر, دارىگەرلەر, مەملەكەتتىك قىزمەتشىلەر, كاسىپكەرلەر مەن جاستار, – دەدى ول.
سالتاناتتى شارادا قر پارلامەنتى سەناتىنىڭ قۇرمەت گراموتاسىمەن Nur Otan پارتياسىنىڭ قاراعاندى وبلىستىق فيليالى توراعاسىنىڭ ءبىرىنشى ورىنباسارى, وبلىستىق ماسليحاتتاعى پارتيانىڭ دەپۋتاتتىق فراكتسياسىنىڭ جەتەكشىسى قاديشا وسپانوۆا ماراپاتتالدى.
«بەلسەندى قىزمەتى ءۇشىن» توسبەلگىسىمەن قاراعاندى وبلىستىق ءماسليحاتىنىڭ حاتشىسى, Nur Otan پارتياسىنىڭ قاراعاندى وبلىستىق فيليالى ساياسي كەڭەس بيۋروسىنىڭ مۇشەسى سەرىك وتەشوۆ, وبلىستىق ارداگەرلەر كەڭەسىنىڭ توراعاسى, Nur Otan پارتياسى قاراعاندى وبلىستىق فيليالى ساياسي كەڭەسىنىڭ مۇشەسى ورالدى تورەعوجين, Nur Otan پارتياسىنىڭ وساكاروۆ اۋداندىق فيليالىنىڭ توراعاسى, اۋدان اكىمى نۇركەن قوبجانوۆ, «قاراعاندى قالاسىنىڭ №3 ەمحاناسى» كمك ديرەكتورى, باستاۋىش پارتيا ۇيىمىنىڭ توراعاسى, قاراعاندى قالالىق ءماسليحاتىنىڭ دەپۋتاتى, Nur Otan پارتياسى قاراعاندى وبلىستىق فيليالى ساياسي كەڭەسىنىڭ مۇشەسى سانيا بورانقۇلوۆا, «دۇنيەجۇزى قازاقتارى قاۋىمداستىعى» رەسپۋبليكالىق قوعامدىق بىرلەستىگىنىڭ قاراعاندى وبلىستىق فيليالىنىڭ باسشىسى مەرۋەرت باشاي, Nur Otan پارتياسىنىڭ قاراعاندى وبلىستىق فيليالى ۇيىمداستىرۋ-باقىلاۋ جۇمىسى ءبولىمىنىڭ كەڭەسشىسى قاراقات ءامىروۆا, «ارسەلورميتتال تەمىرتاۋ» اق جانىنداعى Nur Otan پارتياسى فيليالىنىڭ توراعاسى, تەمىرتاۋ قالالىق ءماسليحاتىنىڭ دەپۋتاتى الىبەك الپىسباەۆ, «دارا ەل» قب ءتورايىمى ءلاززات اسەنوۆا, ساران قالاسىنىڭ «سكەپ» جشس ديرەكتورى, ساران قالالىق ءماسليحاتىنىڭ دەپۋتاتى ءشارىپ يسەنوۆ, «ارسەلورميتتال تەمىرتاۋ» اق فاسون قۇيۋ تسەحىنىڭ ەلەكتر جابدىقتارىن جوندەۋ جانە قىزمەت كورسەتۋ جونىندەگى ەلەكتر مونتەرى, «فاسون قۇيۋ تسەحى» باستاۋىش پارتيا ۇيىمىنىڭ توراعاسى يگور ميحايليكوۆ, ت.كۇزەمباەۆ اتىنداعى شاحتا ۋچاسكەسى باستىعىنىڭ كومەكشىسى ەۆگەني ۆاسيلەۆ ماراپاتتالدى.
سونىمەن قاتار, Nur Otan پارتيانىڭ توعىز مۇشەسى قۇرمەت گراموتالارىنا يە بولدى.