وعان اتىراۋ وبلىسى اكىمدىگىنىڭ باسشىلارى, «كاسپي قۇبىر كونسورتسيۋمى-ق» اق وكىلدەرى, مۇناي كومپانياسىنىڭ باسشىلارى جانە سالا ارداگەرلەرى قاتىستى.
ەكسپەديتسيا بارىسىندا الەمگە ايگىلى «National Geographic Qazaqstan» جۋرنالىنىڭ وكىلدەرى وسى جىلعى قىركۇيەكتىڭ 2-12 ارالىعىندا جايىقتىڭ باتىس قازاقستان وبلىسى شەكاراسىنان باستاپ, اتىراۋ وبلىسى اۋماعىنداعى كاسپي تەڭىزىنە قۇياتىن تۇسىنا دەيىنگى بولىگىن ءسۇزىپ شىققان ەدى. ولار 2 مىڭعا جۋىق شاقىرىمدى ءجۇرىپ ءوتىپ, بەس مىڭعا جۋىق فوتوسۋرەتتى تاسپاعا تارتىپ العان بولاتىن.
ەكسپەديتسيانىڭ ماقساتى – ەڭ الدىمەن, جۋرنال بەتىندە باتىس ءوڭىرىمىزدىڭ ەڭ باستى سۋ كۇرەتامىرى – جايىق وزەنىنىڭ بۇگىنگى ايانىشتى احۋالىن كورسەتۋ ارقىلى قوعامدا سىلكىنىس تۋعىزۋ, ۋاقىت كۇتتىرمەي, تەز شەشۋدى تالاپ ەتەتىن كۇردەلى ماسەلەنى قازاقستان رەسپۋبليكاسى ۇكىمەتىنە جەتكىزۋ ەدى.
«كقك ءوزىنىڭ نەگىزگى جۇمىسىنان بولەك, ايماقتاعى ەكولوگيالىق پروبلەمالارعا دا دەن قويىپ كەلەدى. وسى باعىتتا 2001 جىلدان بەرى 9 ملرد تەڭگە بولگەن. راس, جايىققا قاتىستى سوڭعى جىلداردا ورىن العان پروبلەمالار ادام شوشىرلىق جاعدايعا جەتكەن. بۇل ماسەلەنى ەكى ەلدىڭ اتقارۋشى ورگاندارى تالقىلاپ جاتىر», دەدى «كاسپي قۇبىر كونسورتسيۋىمى» اق-نىڭ اتقارۋشى ديرەكتورى مەلليات كارابالين.
ەكسپەديتسيا بارىسىندا وزەننىڭ تەرەڭدىگى ولشەندى, سۋى مەن توپىراعىنان سىنامالار الىندى, فلورا مەن فاۋناعا مونيتورينگتىك زەرتتەۋلەر جاسالدى, وزەننىڭ وڭ جانە سول جاعالاۋلارىن مەكەندەيتىن تۇرعىندارمەن كەزدەسۋلەر وتكىزىلىپ, جەرگىلىكتى كونەكوز قاريالاردىڭ پىكىرلەرى ەسكەرىلدى.