شىمكەنتتەگى مۇز سارايىندا قالالىق سالاۋاتتى ءومىر سالتىن قالىپتاستىرۋ ورتالىعى مەن ىشكى ىستەر دەپارتامەنتىنىڭ ەسىرتكىگە قارسى كۇرەس باسقارماسىنىڭ بىرگە ۇيىمداستىرۋمەن اكتسيا ءوتتى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
اقپاراتتىق ءىس-شارا بارىسىندا ناركولوگ-دارىگەرلەر تۇرعىنداردى قابىلداپ, ماماندار ەسىرتكىنىڭ زيانى جانە ەسىرتكىگە قارسى كۇرەس باسقارماسى قىزمەتكەرلەرىنىڭ اتقارىلىپ جاتقان جۇمىسى تۋرالى باياندادى.
اكتسياعا كەلگەن تۇرعىندار قالالىق №8 قىسقى سپورت تۇرلەرىنەن وليمپيادا رەزەرۆىنىڭ مامانداندىرىلعان بالالار مەن جاسوسپىرىمدەر سپورت مەكتەبىنىڭ سپورتشىلارىنىڭ ونەرىن تاماشالادى. سپورتشىلار مۇز ايدىنىندا مانەرلەپ سىرعاناپ, شورت-ترەك ءادىس-تاسىلدەرىن كورسەتتى.
كونتسەنرتتىك باعدارلاما سوڭىندا جاس شايباشىلار سايىسىپ, قالا تۇرعىندارىنا ەرەكشە ويىن ورنەگىن كورسەتتى.
ال اكتسيا سوڭىندا قالالىق سالاۋاتتى ءومىر سالتىن قالىپتاستىرۋ ورتالىعىنىڭ وكىلدەرى مۇز ايدىنىندا ونەر كورسەتكەن تالاناتتى جاستارعا ءتۇرلى سىيلىقتار تارتۋ ەتتى.