پرەزيدەنت ق.توقاەۆ 25 قاراشادا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى. وزگەرىستەر مەن تولىقتىرۋلار ازاماتتىق جانە قىزمەتتىك قارۋ اينالىمىنا قاتىستى.
اتاپ ايتقاندا ەندى قارۋ يەلەرىنە وزدەرىنىڭ قارۋىن كوميسسيالىق ساتۋىنا رۇقسات تالاپ ەتىلمەيدى. سونىمەن قاتار ازاماتتىق قارۋدى ساقتاۋ جانە الىپ جۇرۋگە رۇقساتتى ۇزارتۋ قاجەت ەمەس.
«قارۋدىڭ تەحنيكالىق جاعدايى تەك تۇرعىلىقتى مەكەن-جايى بويىنشا جۇرگىزىلەتىن تۇراقتى تەكسەرىستەر كەزىندە تەكسەرىلەدى, - دەپ ءتۇسىندىردى پەتروپاۆل قالاسى پب اكىمشىلىك پوليتسيا ءبولىمىنىڭ باستىعى پوليتسيا كاپيتانى قايرات سەيىتقۇلوۆ.
پوليتسەيلەردىڭ ايتۋىنشا, اكىمشىلىك قۇقىق بۇزۋشىلىق تۋرالى كودەكستىڭ 486-بابى «ازاماتتىق, قىزمەتتiك, ماراپاتتىق, كوللەكتسيالىق قارۋدى تiركەۋ (قايتا تiركەۋ) نەمەسە ونى ەسەپكە قويۋ ءتارتىبىن بۇزۋ» بويىنشا ەڭ كوپ بۇزۋشىلىقتار جاسالادى ەكەن. جىل باسىنان بەرى اتالعان باپ بويىنشا اكىمشىلىك جاۋاپكەرشىلىككە 143 قالا تۇرعىنى, وبلىس بويىنشا – 278 ادام تارتىلعان. كوپ جاعدايدا قايتا تىركەۋ مەرزىمدەرى, سونداي-اق قارۋ يەلەرىنىڭ مەكەن-جاي مالىمەتتەرىنىڭ وزگەرۋى تۋرالى ىشكى ىستەر ورگاندارىن حاباردار ەتۋدى تالاپ ەتەتىن نورما بۇزىلادى.
ازاماتتىق جانە قىزمەتتىك قارۋ اينالىمى سالاسىنداعى زاڭناما بويىنشا تولىق اقپاراتتى پوليتسەيلەر پەتروپاۆل قالالىق پب فرونت-وفيسىنەن نەمەسە پب ءاپب قارۋ اينالىمىن باقىلاۋ جونىندەگى بولىمىنە 8(715) 2 39-48-66 تەلەفون شالۋ بويىنشا الۋعا بولاتىنىن حابارلايدى.