شاڭعىدا باعدارلاۋ بويىنشا قازاقستان رەسپۋبليكاسىنىڭ كۋبوگى الماتى وبلىسى بەل-بۇلاق شاتقالىندا اياقتالدى. تۋرنير قورىتىندىسى بويىنشا ارميا ورتالىق سپورت كلۋبىنىڭ سپورتشىلارى 6 التىن, 3 كۇمىس جانە 4 قولا مەدالعا قول جەتكىزدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
قازاقستاننىڭ بارلىق اۋماعىنان جينالعان 90 استام مىقتى سپورتشىلار باق سىنادى. جارىس باعدارلاماسى سپرينت, ورتا جانە الىس قاشىقتىققا باعىندىرۋدان تۇردى.
قارۋلى كۇشتەردىڭ اتىنان ارميالىق سپورتشى-باعدارشى كاپيتان دەنيس ۆلاسوۆ, لەيتەنانت ەلميرا مولداشەۆا, سەرجانت ماريا ۆلاموۆا, ەفرەيتور دميتري اداموۆيچ پەن ەفرەيتور ازات نازىروۆ قاتىستى.
«ارمياشىلار جاقسى ونەر مەن ناتيجە كورسەتتى. جەرگىلىكتى اۋماقتا سپورتتىق باعدارلاۋ-بۇل تەك قانا شاڭعى دايىندىعىنان تۇرمايدى, سونىمەن قاتار ينتەلەكتۋالدى سپورت ءتۇرى. اراقاشىقتىقتى ۋاقىت ىندا باعىندىرىپ قويماي, ەڭ ءتيىمدى جولىن تابۋ مەن باقىلاۋ پۋنكتتەرىن الۋدان تۇرادى» دەدى اوسك سپورتشىسى لەيتەنانت ەلميرا مولداشەۆا.