قاسىم-جومارت توقاەۆ ازاماتتاردى الاڭداتقان تۇيتكىلدى ماسەلەلەر بويىنشا شۇعىل شەشىمدەر قابىلدانعانىن ايتتى.
- ءبىرىنشى وتىرىستا ۇلكەن ماسەلەلەر كوتەرىلدى. بارلىق ۇسىنىستار مەن باستامالار ەسەپكە الىنىپ, قازىر جۇمىس جالعاسىپ جاتىر. وسىنداي پىكىر-تالاستار ارقىلى عانا وڭ ناتيجەلەرگە قول جەتكىزەمىز. ءبىزدىڭ ءبىرىنشى مىندەتىمىز وزەكتى ەكونوميكالىق, ساياسي, الەۋمەتتىك ماسەلەلەر بويىنشا جۇيەلى ءارى ءتيىمدى, ۇزاق مەرزىمدى شارالار قابىلداۋ كەرەك. مەن حالىق ۇنىنە قۇلاق اساتىن مەملەكەت تۇجىرىمىن جاريا ەتتىم. ءوز قىزمەتىمدە ەڭ الدىمەن قاراپايىم ادامداردىڭ ۇستانىمى مەن مۇڭ-مۇقتاجىن باسشىلىققا الۋىم قاجەت. حالىقتان جوعارى جانە بيىك تۇرعان ەشكىم دە, ەشتەڭە دە جوق. ۇلتتىق كەڭەس ءبىرىنشى كەزەكتە قوعامدىق ديالوگ پەن سەنىم الاڭى رەتىندە قۇرىلدى. ءبىز وسى سەنىمدى اقتاۋىمىز ءتيىس. ازاماتتاردى الاڭداتقان تۇيتكىلدى ماسەلەنىڭ ءبارىن بىرنەشە ايدا شەشىپ تاستاۋ مۇمكىن ەمەس. دەگەنمەن بىرقاتار ماسەلە بويىنشا العا ىلگەرىلەپ, شۇعىل شەشىمدەر قابىلداندى. جۇمىس جۇيەلى تۇردە جۇرگىزىلىپ كەلەدى, - دەدى مەملەكەت باسشىسى قاسىم-جومارت توقاەۆ.