قاراعاندى وبلىسىنداعى شاحتينسك قالاسىندا جەتىم بالالار, بيۋدجەتتىك ۇيىمداردىڭ قىزمەتكەرلەرى جانە الەۋمەتتىك جاعدايى وسال وتباسىلار باسپاناعا يە بولدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
شاحتينسك قالاسىنىڭ اكىمى سەرجان ايماقوۆ اتاپ وتكەندەي, بۇل تۇرعىن ۇيگە مۇقتاج وتباسىلار ءۇشىن ايتارلىقتاي كومەك.
– مەنىڭ ويىمشا, ءبىزدىڭ وڭىردەگى اباتتاندىرۋ مەن قۇرىلىس قارقىنى جىل سايىن ارتىپ كەلەدى. بۇل جۇمىستىڭ نەگىزگى ۇستانىمىنىڭ ءبىرى – بارلىق ازاماتتار ءۇشىن تۇرعىن ءۇيدىڭ قولجەتىمدىلىگىن ارتتىرۋ, – دەدى قالا باسشىسى.
جاڭادان بەرىلگەن پاتەرلەر قالپىنا كەلتىرىلگەن ۇيدە ورنالاسقان. قازىرگى تاڭدا مۇندا دارىگەرلەر تۇرىپ جاتىر. ال حالىقتىڭ الەۋمەتتىك وسال توپتارىنىڭ وكىلدەرى ءۇشىن اتالعان تۇرعىن ۇيدەن پاتەرلەر جالعا بەرىلەدى.
وبلىس باسشىسى جەڭىس قاسىمبەكتىڭ تاپسىرماسى بويىنشا 2020 جىلى وڭىردەگى قۇرىلىس كولەمى 1,5 ەسەگە ۇلعايماقشى. مۇنىڭ ءوزى كەزەكتى قىسقارتۋعا جانە جاقىن اراداعى بىرنەشە جىلدا حالىقتىڭ الەۋمەتتىك وسال توپتارىنىڭ بارلىق وكىلدەرىن باسپانامەن قامتاماسىز ەتۋگە مۇمكىندىك بەرەدى.
قاراعاندى وبلىسى