الماتىداعى قازاق مەملەكەتتىك تسيركى جۋرناليستەردى جاڭا باعدارلاماسىمەن تانىستىردى

سونىمەن بۇعان دەيىن قازاق تسيركى «ەر توستىك» باعدارلاماسىن ازىرلەپ, كىشكەنتاي كورەرمەندەرىنىڭ رياسىز قوشەمەتىنە بولەنگەن بولاتىن

«تسيرك ونەرى دە ەل ءومىرىنىڭ ءبىر بولشەگى. سوڭعى ۋاقىتتا رۋحاني جاڭعىرۋ دەگەن ءسوزدى كوپ ايتامىز. بۇل باعدارلاما ءبىزدىڭ جاڭا يدەيالارىمىزعا تۇرتكى بولدى. ناتيجەسىندە تسيرك «ەر توستىكتى» وياتىپ, جاڭا قىرىنان جاڭعىرتتى. لازەرلىك شوۋدىڭ كۇشىمەن ز ۇلىمدىق پەن قايىرىمدىلىقتىڭ اراسىنداعى تارتىستى كورسەتۋگە قول جەتكىزدىك دەپ ويلايمىن», – دەگەن بولاتىن «قازاق مەملەكەتتىك تسيركى» كمقك ديرەكتورى باقىت بوكەباەۆ.

ال بۇگىن سول قازاق مەملەكەتتىك تسيركىنىڭ ونەرپاز ۇجىمى تەودور امادەي گوفماننىڭ «ششەلكۋنچيك جانە تىشقان پاتشاسى» ەرتەگىسىنىڭ جەلىسى بويىنشا قويىلاتىن مەرەكەلىك باعدارلامالارىن باستايدى.

2019 جىلدىڭ 17 جەلتوقسانى مەن 2020 جىلدىڭ 12 قاڭتار ارالىعىندا جۇرەتىن «ششەلكۋنچيك جانە مىشيلدا» باعدارلاماسى بالالاردى عانا ەمەس, ەرەسەكتەردى دە ەرتەگىلەر الەمىنە ساياحات شەكتىرەتىنى ءسوزسىز.

جاڭا باعدارلاما اتى ايتىپ تۇرعانداي, پەتر يليچ چايكوۆسكيدىڭ «ششەلكۋنچيك» اتتى اتاقتى بالەتىنىڭ مۋزىكاسى نەگىزىندە قويىلادى.

دروسسەلمەيەر, ششەلكۋنچيك, ماري, فريتس, مىشيلدا, تىشقان پاتشاسى, اياز اتا, اقشاقار اتتى كەيىپكەرلەردى بۇل جولى اۋە گيمناستارى, اكروباتتار, ەكۆيليبريستەر ورىندايدى. ۇيرەتىلگەن جانۋارلار مەن بەلگىلى كلوۋنەسسا وكسانا نەسكلادنايانىڭ ەڭ ەكسكليۋزيۆتى رەپريزالارىن (ۇلكەن ماسكەۋ تسيركى, ماسكەۋ قالاسى) دا ورنىمەن تابۋعا بولادى.

عاجايىپ قورىنىستەردى قازاق مەملەكەتتىك تسيركىنىڭ ايگىلى بالەت توبى  سۇيەمەلدەيدى. 

تسيركتىڭ جاڭا باعدارلاماسى, تەاتر, مۋزىكا جانە حورەوگرافيالىق ونەرلەردىڭ ۇزدىك داستۇرلەرىنىڭ جيىنتىعى. شىعارماشىلىق توپ تەك قانا كورەرمەننىڭ كوڭىل-كۇيىن  كوتەرۋ عانا كوزدەمەيدى, سونىمەن قاتار بۇل قويىلىمنىڭ تاربيەلىك ءمانى دە زور. ارنايى وسى باعدارلاماعا  ارناپ, جاڭا تسيركتىك نومەرلەر قويىلدى, مۋزىكا جازىلدى, جاڭا كوستيۋمدەر تىگىلىپ, رەكۆيزيتتار دايىندالدى.

باعدارلاما ۇلكەن اۋقىمداعى لازەرلىك شوۋمەن قامتىلعان.

بۇگىن الماتىنىڭ مادەني ومىرىندەگى ايتۋلى وقيعاعا وراي, «قازاق مەملەكەتتىك تسيركى» كمقك ديرەكتورى باقىت بوكەباەۆ, قويۋشى-رەجيسسەر مارينا رەدكو, حالىقارالىق فەستيۆالدەرىنىڭ لاۋرەاتى جانە جەڭىمپازى تسيرك ونەرىنىڭ ءارتيسى كلوۋنەسسا وكسانا نەسكلادنايا, «بەلدىكتەگى اۋە گيمناستارى» نومەرىنىڭ جەتەكشىسى, قر ەڭبەك سىڭىرگەن مادەنيەت قايراتكەرى قۇرمانعالي دوسباتىروۆ جانە جاس دەبيۋتانت (4 جاس), اۋە گيمناستى, دوسباتىروۆ تسيرك اۋلەتىنىڭ وكىلى دانات دوسباتىروۆ, «نوماد» اتتى-اكروباتيكالىق نومەرىنىڭ ءارتيسى ماريام ساتاەۆا, حالىقارالىق تسيرك ونەرى فەستيۆالدەردىڭ لاۋرەاتى, اۋە گيمناستى اناستاسيا دەميدوۆالار جۋرناليستەرمەن كەزدەسىپ, سۇقباتتاستى.