قازاقستان رەسپۋبليكاسى پارلامەنتى سەناتى ەكونوميكالىق ساياسات, يننوۆاتسيالىق دامۋ جانە كاسىپكەرلىك كوميتەتىنىڭ مۇشەسى ءالىمجان قۇرتاەۆ پەن ءماجىلىس دەپۋتاتى ساكەن قانىبەكوۆ ازيا پارلامەنتتىك اسسامبلەياسى اتقارۋشى كەڭەسىنىڭ 2-ءشى كەزدەسۋى مەن «ازيا پارلامەنتتەرى اراسىنداعى كوپجاقتى ىنتىماقتاستىقتىڭ ءرولى» تاقىرىبى بويىنشا وتكەن 12-ءشى جالپى وتىرىسىنا قاتىستى.
14-16 جەلتوقسان كۇندەرى انتاليا قالاسىندا (تۇركيا) وتكەن وسى شارالار بارىسىندا سونداي-اق اپا پرەزيدەنتى مەن ۆيتسە-پرەزيدەنتىنىڭ سايلاۋى, تۇراقتى كوميتەتتەردىڭ وتىرىستارى ءوتىپ, اسسامبلەيانىڭ باس حاتشىسى مەن تۇراقتى كوميتەتتەرى توراعالارىنىڭ باياندامالارى تىڭدالدى.
شارا قورىتىندىسى بويىنشا انتاليا دەكلاراتسياسى قابىلدانادى. جالپى وتىرىسقا ازيا ايماعىنداعى 22 ەلدەن كەلگەن پارلامەنتتەر مۇشەلەرى, پارلامەنتارالىق وداقتىڭ توراعاسى گابريەلا كۋەۆاس باررون جانە يىۇ پاللامەنتتىك وداعىنىڭ باسشىلىعى قاتىستى.