ى.ءالتىنساريننىڭ «ماكتۋبات» حرەستوماتياسىنىڭ 120 جىلدىق تاريحى بار

بۇگىندە قر ۇلتتىق مەملەكەتتىك كىتاپ پالاتاسىنىڭ بۇگىندە ءباسپاسوز مۇراعاتىندا 5 ميلليونمەن سانالاتىن باسپا ونىمدەرى ساقتالعان دەسەك, ولاردىڭ قاتارىندا  توتە جازۋمەن جارىق كورگەن تاريحي باسىلىمدار دا بار. تاراتا ايتار بولساق, ىبىراي ءالتىنساريننىڭ قازاق تىلىندە وقۋ ءۇشىن جازعان «ماكتۋبات» حرەستوماتياسى (بۇل 1899 جىلى شىققان, ەكىنشى باسىلىم), 1907 جىلى قازاندا باسىلىپ شىققان س. كوبەەۆتىڭ «سارىارقانىڭ كىمدىكى ەكەندىگى» اڭگىمەسى, احمەت بايتۇرسىنوۆتىڭ  1906, 1907 جىلدارى  سەمەي باسپاحاناسىنان شىققان ء«تىل قۇرالى», 1922 جىلى تاشكەنتتە باسىلىپ شىققان وقۋ قۇرالى, 1926 جىلعى ء«تىل تانىتقىش» كىتابى, 1900 جىلى قازان قالاسىنان شىققان ء«بىرجان سال مەن سارا قىزدىڭ ايتىسى», 1922 جىلى تاشكەنت قالاسىنداعى تۇركىستان مەملەكەتتىك باسپاسىنان شىققان مىرجاقىپ دۋلاتوۆتىڭ ءبىرىنشى دەڭگەيگە ارنالعان ەسەپ قۇرالى, تاعى باسقا كوپتەگەن قۇندى مۇرالار بار.

قر كىتاپ پالاتاسىنىڭ ستاتيستيكالىق مالىمەتتەرى بويىنشا, بويىنشا ءباسپاسوز مۇراعات قورىنا 1899 جىلى 7 اتالىممەن  كىتاپ جانە كىتاپشالار كەلىپ تۇسكەن. 1900-ءشى جىلى 2 كىتاپ, 1901-ءشى جىلى 8 كىتاپ, وسىلايشا 1923 جىلعا دەيىنگى كورسەتكىش 50-گە دەيىن جەپەگەن. ال 1924 جىلى بۇل كورسەتكىش بىردەن 142 اتالىمعا وسكەن. وسىلايشا, 1941- 1945 جىلدارعا دەيىن ۇنەمى ءوسۋ ۇستىندە بولعان. تەك سوعىستان كەيىنگى 46-47 جىلدارى كۇت تومەندەپ 214-206 اتالىمعا تومەندەگەن. كىتاپتار مەن كىتاپشالار سانى بىرتىندەپ وسە وتىرىپ, 1954 جىلى عانا مىڭنان اسىپ, دالەك ايتساق 1159 اتالىمعا جەتكەن. وسى كىتاپتاردىڭ تارالىمى 14260 دانانى كورسەتكەن.

1937 جىلى كىتاپ پالاتاسى رەسمي تۇردە قۇرىلعان كەزىندە ءباسپاسوز مۇراعاتىندا 5328 تارالىممەن شىققان 408 اتالىم كىتاپ تىركەلگەن.

 الماتى