ون توعىز جىلدان بەرى رەسپۋبليكالىق «انا ءتىلى» ۇلت گازەتى الماتىدا جانە ەلىمىزدىڭ باسقا دا ايماقتارىندا «انا ءتىلى» ارۋى» بايقاۋىن وتكىزىپ كەلەدى. جاستاردىڭ كوركى مەن قابىلەتىن ساراپقا سالاتىن بۇل بايقاۋدىڭ الماتى قالاسى ستۋدەنتتەرىنىڭ رۋحاني, مادەني ومىرىندە ورنى بولەك.
سوڭعى ون جىلدا «انا ءتىلى» ارۋى» – «جىگىت سۇلتانى» بايقاۋى ءال-فارابي اتىنداعى قازاق ۇلتتىق ۋنيۆەرسيتەتىنىڭ «ستۋدەنتتەر سەناتىنىڭ» ۇيىمداستىرۋىمەن وتكىزىلىپ ءجۇر.
بيىلعى بايقاۋعا ۋنيۆەرسيتەتتىڭ 200-دەن اسا ستۋدەنتى قاتىسىپ, 16 فاكۋلتەتتىڭ ىشىنەن 9 فاكۋلتەتتىڭ جەتى ارۋى مەن جەتى سۇلتانى وزا شاۋىپ, اقتىق مارەگە جەتتى.
اقتىق سىندا ۇلتتىڭ كيىمدەرىمىزدىڭ ءسان-سالتاناتىنا مالىنعان جەتى جۇپ قازداي ءتىزىلىپ شىققاندا جاستار قازاقتىڭ تاريحى مەن مادەنيەتىنە باس ءيىپ, ءوزىڭنىڭ ۇلى دالانىڭ يەسى ەكەنىڭدى سەزىنىپ, كەۋدەلەرىن ماقتانىش كەرنەدى.
ارۋ قىزداردىڭ ءماندى دە ماعىنالى ولەڭ جولدارى زامانداستارىن ءسۇيسىنتىپ, رياسىز قوشەمەتكە بولەدى. ماسەلەن, بيىل «انا ءتىلى» ارۋى» اتانعان فيلولوگيا جانە الەم تىلدەرى فاكۋلتەتىنىڭ 3-كۋرس ستۋدەنتى ورىنگۇل المات:
«تاراق باتپاس اسىلى بۇرىمىنا,
كونە بەرمەس وزگەنىڭ ىرىعىنا.
ورىنگۇلمىن! نازىكپىن, قىرىق جىگىت,
كوزى تويماي قاراعانى قىلىعىنا…
تۇرام ءار كەز ارىمنىڭ اسقارىندا,
جۇرەگىمدە ورىن جوق باسقا مۇڭعا.
مەن – قازاقتىڭ قىزىمىن, كوز سال, الەم,
دانالىعى – نازىكتىك استارىندا!
دارالىعى – نازىكتىك استارىندا!» - دەپ قىزدىڭ نازىكتىگىنىڭ استارىندا باتىرلىق تا, دانالىق تا جاتقانىن تىلگە تيەك ەتتى.
بايقاۋدىڭ ەڭ قىزىعى جانە كوڭىلگە جىلىلىق ۇيالاتقان تۇسى – «انا ءتىلى» ارۋى» بايقاۋىندا تانىسقان, دوستىعى ماحابباتقا ۇلاسقان جىگىت سۇيىكتىسىنە ۇسىنىس جاساپ, قىزدىڭ كەلىسىمىن الىپ, ساقينا سالدى. ەكى جاستىڭ ءبىر-ءبىرىن تانىپ-بىلۋىنە ىقپال ەتىپ, تابىستىرىپ جاتسا بۇل دا بايقاۋدىڭ ءبىر ەرەكشەلىگى بولار.
جاستاردىڭ ءبىلىمىن سارالاعان سايىستىڭ ءادىل قازىلار القاسىنا «انا ءتىلى» گازەتىنىڭ قىزمەتكەرى باعداگۇل بالاۋباەۆا ءتورايىم بولسا, قازاقستاننىڭ ەڭبەك سىڭىرگەن قايراتكەرى, بەلگىلى اكتەر اسىلبەك بورانباەۆ, ستۆ تەلەارناسىنىڭ تەلەجۇرگىزۋشىسى ماحاببات نۇرىمبەت, «Dana Habi» ءسان ءۇيىنىڭ ديرەكتورى دانا ءنابي, ءال-فارابي اتىنداعى قازاق ۇلتتىق ۋنيۆەرسيتەتى تاربيە دەپارتامەنتىنىڭ ديرەكتورى جۇلدىز ەسىموۆا, «Goltsman» مودەلدىك اگەنتتىگىنىڭ ديرەكتورى كاترين گولتسمان, تەاتر جانە كينو اكتەرى ءساتتار ەرۋباەۆ, كاسىپقوي بوكسشى ايدار شارىباەۆ سىندى ءوز سالاسىنىڭ ساڭلاقتارى تورەلىك ەتتى.
جوعارىدا اتاپ وتكەندەي, «انا ءتىلى» ارۋى – 2019» بايقاۋىنىڭ باس جۇلدەسىن فيلولوگيا جانە الەم تىلدەرى فاكۋلتەتىنىڭ 3-كۋرس ستۋدەنتى ورىنگۇل المات يەلەندى. «جىگىت سۇلتانى – 2019» بايقاۋىنىڭ باس جۇلدەسىنە فيزيكا-تەحنيكالىق فاكۋلتەتتىڭ 2-كۋرس ستۋدەنتى شامشەت باراقوۆ لايىقتى دەپ تانىلدى. باس جۇلدە يەگەرلەرىنە دۋبايعا جولداما بەرىلدى.
الماتى