تاۋەلسىزدىك مەرەكەسى قارساڭىندا ەلجاندىلىقتى ناسيحاتتاۋ, ەگەمەندىكتى ۇلىقتاۋ ماقساتىنداعى شارالار لەگى جالعاسىن تاۋىپ وتىر.
الماتىداعى قالالىق №4 كىتاپحانادا مەملەكەت جانە قوعام قايراتكەرلەرىنىڭ, زيالى قاۋىم وكىلدەرىنىڭ جانە 1986 جىلعى جەلتوقسان وقيعاسىنا قاتىسۋشىلارمەن بىرگە ەگەمەندىك جولىندا قۇربان بولعان ءلاززات اسانوۆا مەن ءسابيرا مۇحامەدجانوۆانىڭ قۇرمەتىنە قىزدار اراسىندا مانەرلەپ وقۋدان شىعارماشىلىق كەش وتكىزىلدى.
ءىس-شارا الماتى قالاسى اكىمدىگى مەن قوعامدىق دامۋ باسقارماسىنىڭ تاپسىرىسى بويىنشا حالىقارالىق «جاناشىر» قوعامدىق قورىنىڭ ۇيىمداستىرۋىمەن «پاتريوتتىق رۋح – باستى قۇندىلىق» جوباسى اياسىندا ءوتتى.
شىعارماشىلىق كەش مەكتەپ وقۋشىلارى مەن كوللەدج ستۋدەنتتەرى اراسىندا قارا ولەڭ جارىسى نەگىزىندە وتكىزىلدى. بايقاۋدا جالپى سانى جيىرماعا جۋىق قاتىسۋشى ونەر كورسەتىپ, ءبىرى ەلىمىزگە بەلگىلى اقىن-جازۋشىلاردىڭ ولەڭدەرىن مانەرلەپ وقىسا, ەندى ءبىرى اقىندىق تالانتتارىن كورسەتتى.
كەش بارىسىندا جەلتوقسان وقيعاسىن كوزبەن سۋرەتتەگەندەي جالىندى, ەل رۋحىن كوتەرەر, تاۋەلسىز ەلدىڭ وتكەنى مەن بۇگىنىن جىرلايتىن, وتانسۇيگىشتىك ولەڭدەرمەن ءوربىدى. شىعارماشىلىق كەش بارىسىندا جەلتوقسان قاتىسۋشىلارى بولات قۇرمانعاجى, سابيت راەۆ, مەيىرگۇل قازىباەۆا, شولپان نۇرعاليەۆا, بازارگۇل سəرسەنوۆا, گۇلعايشا سəرسەنوۆا گۇلعايشا, ەرمەك ايتۋاروۆ, عاني قالماقباەۆ, ەرىك نۇرعاليەۆ سىندى ازاماتتار قازىلىق ەتتى.
ادىلقازى القالارى قاتىسۋشىلاردىڭ كاسىبي شەبەرلىگى مەن وقىلعان ولەڭنىڭ جۇرەككە جەتكىزۋ ءبىلۋ ونەرىمەن ۇزدىكتەردى باعالادى. بايقاۋ ناتيجەسى بويىنشا ديلناز سەمبەك ء بىرىنشى ورىندى, گۇلجانات سەيىلوۆا ەكىنشى ورىندى جانە ايسۇلۋ ورىنباسار ءۇشىنشى ورىندى يەلەندى. بارلىق قاتىسۋشىلار العىس حاتتارمەن, ارنايى سىيلىقتارمەن ماراپاتتالدى.
– جەلتوقسان كوتەرىلىسى ۇلتتىق رۋحتىڭ ولمەستىگىن جارقىن تۇردە دالەلدەدى. ەلىمىز قالاي بولعاندا دا سان عاسىرلىق قيىن-قىستاۋ جولدان, تار جول تايعاق كەشۋدەن ءوتىپ, تاۋەلسىز ەلدەر قاۋىمداستىعىنا قوسىلدى. وتانىمىز قازاقستانىمىز تۋرالى ايتارىمىز دا ماقتانارىمىز دا كوپ, – دەيدى حالىقارالىق «جاناشىر» قوعامدىق قورىنىڭ پرەزيدەنتى جاڭىل اپەتوۆا.
الماتى