تاريحي وتكەن عاسىردىڭ 1921 جىلىنان باستالاتىن الماتىداعى قر ورتالىق مەملەكەتتىك ءارحيۆى رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەندى. تاۋەلسىزدىك كۇنى مەن «ارحيۆ-2025» باعدارلاماسىن جۇزەگە اسىرۋ ماقساتىندا بۇگىن ارحيۆ عيماراتىنا ەسكەرتكىش تاقتا ورناتىلدى. ايتۋلى شاراعا رەسپۋبليكانىڭ مادەنيەت سالاسىنىڭ وكىلدەرى قاتىستى.
قر ورتالىق مەملەكەتتىك ءارحيۆىنىڭ ديرەكتورى ارنۇر قارىمساقوۆ العاش ورىنبوردا قۇرىلىپ, كەيىننەن قىزىلوردا, ال 1927 جىلى الماتىعا قونىس اۋدارعان مۇراعات تاريحىنا توقتالىپ, قازاق تاريحىنىڭ قارا شاڭىراعىندا حVI-ءححى عاسىرلاردان بەرگى ارالىقتاعى ءبىر جارىم ميلليوننان استام قۇجاتتاردىڭ ساقتالعاندىعىن جەتكىزدى. سونىمەن قاتار بۇگىنگى يگى شاراعا قولداۋ بىلدىرگەن ءتيىستى مينيسترلىككە, ۇلتتىق مۋزەي باسشىلىعىنا, الماتى قالاسى اكىمدىگىنە, «قازقايتاجاڭعىرتۋ» باسشىلىعىنا العىسىن جەتكىزدى.
رەسمي شاراعا قاتىسقان قر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى كۇمىس سەيىتوۆا رەپۋبليكاداعى اسا ءىرى ارحيۆ قويماسىنىڭ ەرەكشەلىگىنە توقتالىپ, بۇگىندە ەلىمىزدە 25 مىڭداي ەسكەرتكىش بولسا, ونىڭ 247-ءسى رەسپۋبليكالىق دەڭگەيدەگى ەسكەرتكىش ەكەندىگىن اتاپ ءوتتى. سوندىقتان دا وسى ءتىزىمنىڭ قاتارىن تاريحي ماڭىزدى عيماراتتىڭ تولىقتىرۋى الداعى ۋاقىتتا ارحيۆ جۇمىستارىنىڭ جاندانا تۇسۋىنە زور ىقپال ەتەتىندىگىنە توقتالدى.
ودان كەيىن «قازقايتاجاڭارتۋ» رمك ارحيتەكتورى حانات تۇياقباەۆ ءسوز الىپ, سالتاناتتى شاراعا بايلانىستى قۇتتىقتاۋ لەبىزىن ءبىلدىردى.
سالتانتتى شاراعا قاتىسقان قوناقتار عيمارات اۋلاسىنا شىرشا ورناتىپ, ارحيۆ تاريحىن بولاشاق ۇرپاققا جەتكىزۋدەگى يگى تىلەكتەرىن ءبىلدىردى.
الماتى