كەزدەسۋ بارىسىندا ەل مادەنيەتىن دامىتۋ ماسەلەسى تالقىلاندى. بۇل تۋرالى اقوردا حابارلادى.
روزا رىمباەۆا قازاقستان پرەزيدەنتىنە ءوزىنىڭ شىعارماشىلىق قىزمەتىنىڭ 45 جىلدىعىنا وراي ەلىمىزدىڭ بارلىق ايماعىندا جەكە كونتسەرتىن ۇيىمداستىرۋ جايىنداعى جوسپارىن ايتتى. سونىمەن قاتار ءانشى تالانتتى جاس مۋزىكانتتاردى قولداۋعا باعىتتالعان مادەني ورتالىق اشۋ تۋرالى ويىمەن ءبولىستى.
قاسىم-جومارت توقاەۆ روزا رىمباەۆانى «قازاقستاننىڭ ەڭبەك ەرى» اتاعىن الۋىمەن قۇتتىقتاپ, شىعارماشىلىق تابىس تىلەدى.