ەلباسى نۇرسۇلتان نازارباەۆ ERG كومپانياسىنىڭ 25 جىلدىعىنا ارنالعان سالتاناتتى ءىس-شاراعا قاتىستى, دەپ حابارلادى تۇڭعىش پرەزيدەنت – ەلباسىنىڭ ءباسپاسوز قىزمەتى.
نۇرسۇلتان نازارباەۆ ەۋرازيالىق توپ قۇرامىنداعى كاسىپورىندار ۇجىمىن كومپانيانىڭ 25 جىلدىعىمەن قۇتتىقتادى.
قازاقستاننىڭ تۇڭعىش پرەزيدەنتى كومپانيانىڭ دامۋ جولى ەل تاۋەلسىزدىگىنىڭ نىعايۋىمەن تىعىز بايلانىستى ەكەنىن اتاپ ءوتتى.
ەلباسى تاۋەلسىزدىكتىڭ العاشقى جىلدارى ەلىمىزدەگى كاسىپورىنداردىڭ باسىنان وتكەرگەن قيىندىقتارى تۋرالى ايتتى.
– 1994 جىلى كۇردەلى جاعدايدا تۇرعان كاسىپورىندار بۇگىنگى كۇنى اياعىنا نىق تۇردى. كومپانيالار توبى 150 مىڭنان استام جۇمىس ورنىن بەرىپ وتىر. ERG ءوندىرىستى دامىتۋ جانە كەڭەيتۋ ءۇشىن 13 ميلليارد دوللار ينۆەستيتسيا سالدى, – دەدى نۇرسۇلتان نازارباەۆ.
سونىمەن قاتار قازاقستاننىڭ تۇڭعىش پرەزيدەنتى الەۋمەتتىك جوبالاردى ىسكە اسىرۋ باعىتىنداعى ەۋرازيالىق توپتىڭ قىزمەتىن وڭ باعالادى.
– سىزدەر الەۋمەتتىك باعدارلامالاردى دا جۇزەگە اسىرىپ جاتىرسىزدار. تۇرعىن ءۇي, مەكتەپتەر, اۋرۋحانالار, سپورت نىساندارى جانە باسقا دا ينفراقۇرىلىمدىق جوبالار جۇزەگە اسۋدا, – دەدى ەلباسى.
سونداي-اق نۇرسۇلتان نازارباەۆ جاھاندىق سىن-قاتەرلەرگە توقتالىپ, ودان ءارى دامۋ ءۇشىن قازاقستاندىق كاسىپورىندارعا جاڭا شەشىمدەر قاجەت ەكەنىن اتاپ ءوتتى.
– ءومىر ورنىندا تۇرمايدى. بارلىعى العا جىلجۋدا. ءبىز تسيفرلى ەكونوميكا داۋىرىنە اياق باسىپ كەلەمىز. جاساندى ينتەللەكت بارلىق جەردە ەنگىزىلىپ جاتىر. مۇنىڭ ءبارى باسەكەگە قابىلەتتىلىكتى ساقتاۋ ءۇشىن وزىق تاجىريبە ىزدەۋدى تالاپ ەتەدى, – دەدى قازاقستاننىڭ تۇڭعىش پرەزيدەنتى.
ەلباسى ERG كومپانياسىنىڭ مىڭداعان قىزمەتكەرلەرىنە ونىڭ ساياساتىن قولداعانى ءۇشىن العىس ايتتى.
– بارلىعىمىز ەلىمىزدىڭ وركەندەۋى ءۇشىن قىزمەت ەتەمىز. ەلدى بولاشاق ۇرپاق ءۇشىن دامىتامىز. ويتكەنى تاۋەلسىزدىكتى جاريالاۋ – ءبىر بولەك, ال ونى ساقتاپ قالۋ مۇلدەم بولەك ماسەلە. ول ءۇشىن ءبىز ەكونوميكانى دامىتۋىمىز كەرەك. بۇل جولدا ەۋرازيالىق توپتىڭ جۇمىسشىلارى لايىقتى ۇلەس قوسىپ كەلەدى, – دەدى ەلباسى.
ءسوز سوڭىندا قازاقستاننىڭ تۇڭعىش پرەزيدەنتى كومپانيانىڭ بارلىق قىزمەتكەرىن تاعى دا قۇتتىقتاپ, ولارعا ساتتىلىك پەن تابىس تىلەدى.