2019 جىلعى 11 جەلتوقساندا «استانا» حالىقارالىق قارجى ورتالىعىنىڭ عيماراتىندا نۇر-سۇلتان قالاسىندا ازىق-ت ۇلىك قاۋىپسىزدىگى جونىندەگى يسلام ۇيىمىنىڭ (اقيۇ) شتاب-پاتەرىنىڭ سالتاناتتى اشىلۋ ءراسىمى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
سالتاناتتى راسىمگە قازاقستان رەسپۋبليكاسىنىڭ سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ, اۋىل شارۋاشىلىعى ۆيتسە-ءمينيسترى نۇربەك دايىربەكوۆ, اقيۇ باس ديرەكتورى ەرلان بايداۋلەت, سونداي-اق بانگلادەش, بۋركينا-فاسو, گامبيا, تۇركيا, ءباا, ساۋد ارابياسى اۋىل شارۋاشىلىعى مينيسترلىكتەرىنىڭ باسشى قىزمەتكەرلەرى جانە قازاقستاندا اككرەديتتەلگەن يىۇ مۇشە ەلدەردىڭ ەلشىلەرى قاتىستى.
ش.نۇرىشەۆ ءوز سوزىندە قازاقستان اقيۇ قىزمەتىنە جانە وسى ۇيىمنىڭ مۇشەلىك قۇرامىن كەڭەيتۋ بويىنشا جان-جاقتى قولداۋ كورسەتۋدى جالعاستىراتىنىن اتاپ ءوتتى.
ءىس-شارا اياسىندا ۇلتتىق اگرارلىق عىلىمي-ءبىلىم بەرۋ ورتالىعى مەن اقيۇ اراسىنداعى ىنتىماقتاستىق تۋرالى مەموراندۋمعا قول قويۋ ءراسىمى ءوتتى.
وسى كۇنى اقيۇ شتاب-پاتەرىندە اقيۇ اتقارۋشى كەڭەسىنىڭ كەزەكتى 4-ءشى وتىرىسى اشىلدى, وندا كەزدەسۋگە قاتىسۋشىلار ۇيىمنىڭ يىۇ-عا مۇشە ەلدەردىڭ ازىق-ت ۇلىك قاۋىپسىزدىگى سالاسىنداعى پراكتيكالىق ىنتىماقتاستىعىن نىعايتۋعا باعىتتالعان اعىمداعى قىزمەتى تالقىلانادى.
يسلام ىنتىماقتاستىعى ۇيىمى اياسىندا اقيۇ قۇرۋ تۋرالى باستاما قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆقا تيەسىلى. قازىرگى ۋاقىتتا ۇيىمنىڭ قۇرامىنا يسلام الەمىنىڭ 34 مەملەكەتى كىرەدى جانە ونىڭ قىزمەتى اۋىل شارۋاشىلىعى مەن ازىق-ت ۇلىك الەۋەتىن دامىتۋ سالاسىندا مۇسىلمان الەمىنىڭ كۇش-جىگەرىن جۇمىلدىرۋعا باعىتتالعان.