قازىرگى كەزدە قازاقستاندىق قوعامدا دارىگەرلەردىڭ رەيتينگىن قالاي قالىپتاستىرۋ قاجەتتىگى جونىندە ءارتۇرلى وي-پىكىرلەر بار. قالاي دەگەندە دە بۇل ماسەلە دەنساۋلىق ساقشىلارىنىڭ قىزمەتىنە ءتيىستى باعا بەرۋ ارقىلى انىقتالاتىنى انىق. وسى ورايدا اقتوبەدە ونىڭ بۇگىنگى زاماناۋي ءتاسىلى جۇزەگە اسىرىلىپ, وڭىردەگى بارلىق مەديتسينالىق مەكەمەلەرگە ارنايى ماقساتتاعى QR كودتار ورناتىلدى. وسى ارقىلى تۇرعىندار كودتى سمارتفونمەن سكانەرلەپ, مەديتسينالىق ۇيىمنىڭ قىزمەت كورسەتۋ دەڭگەيى مەن ساپاسىن باعالاي الادى. سونىمەن بىرگە بۇل جونىندە ءوز وي-پىكىرىن جازىپ نەمەسە اۋىزشا ايتىپ قالدىرۋىنا دا بولادى.
تىڭ باعالاۋ ءتاسىلى مەديتسينالىق مەكەمەلەر ءۇشىن جاڭا ساپا ستاندارتتارىن ەنگىزۋگە مۇمكىندىك تۋعىزادى. سونداي-اق تۇرعىنداردىڭ تالاپ-تىلەكتەرى مەن سۇرانىستارىن جان-جاقتى زەردەلەۋگە دە جول اشادى. ەڭ باستىسى, QR كودتار ورناتۋ ارقىلى جايلىلىق دەڭگەيىن كوتەرىپ, جوعارىدا ايتىلعانداي مەملەكەتتىك مەديتسينالىق مەكەمەلەردىڭ قىزمەت كورسەتۋ ساپاسىن ودان ءارى جەتىلدىرۋ كوزدەلگەن. بۇل جونىندە «مىندەتتى الەۋمەتتىك مەديتسينالىق ساقتاندىرۋ قورى» وبلىستىق فيليالىنىڭ ديرەكتورى گۇلميرا قوجانيازوۆا ايتىپ بەردى.
بۇگىندە قور ماماندارى QR كود ارقىلى مەديتسينالىق مەكەمەلەرگە قالاي باعا بەرۋ كەرەكتىگى جونىندە جان-جاقتى ءتۇسىندىرۋ جۇمىستارىن جۇرگىزۋدە.
اقتوبە