بالاما ەنەرگەتيكاعا باسىمدىق بەرىلەدى

ايماق باسشىسىنىڭ حابارلاۋىنشا, وبلىس ەكونوميكاسىنىڭ باسىم سالالارىندا وڭ ديناميكا بايقالۋدا. ماسەلەن, ونەركاسىپ ءوندىرىسىنىڭ كولەمى 6,5 پايىزعا, اۋىل شارۋاشىلىعى 4,4 پايىزعا, قۇرىلىس 9,2 پايىزعا, كولىك 3,6 پايىزعا, ساۋدا 4,5 پايىزعا, سونداي-اق بايلانىس قىزمەتى 6,4 پايىزعا جوعارىلادى. جەرگىلىكتى قامتۋدى ارتتىرۋعا باعىتتالعان «قاراپايىم زاتتار ەكونوميكاسى» بويىنشا جالپى قۇنى 70,5 ملرد تەڭگەگە 112 جوبانىڭ ىشىنەن 20,2 ملرد تەڭگەگە 38 جوبا ماقۇلداندى.

– شاعىن جانە ورتا كاسىپكەرلىكتى دامىتۋ ماقساتىندا تاراز قالاسىندا ء«بىر تەرەزە» قاعيداسى بويىنشا جۇمىس ىستەيتىن زاماناۋي فرونت كەڭسە اشىلدى. بيىل كاسىپكەرلەرگە 8,6 ملرد تەڭگە كولەمىندە شاعىن نەسيە بەرىلدى. بۇل رەس­پۋبليكا بويىنشا 1-ورىنعا يە كورسەتكىش. كاسىپكەرلىكتى قولداۋ كارتاسى اياسىندا 2025 جىلعا دەيىن 2,9 ترلن تەڭگەنى قۇرايتىن 69 ينۆەستيتسيالىق جوبانى ىسكە اسىرۋ جوسپارلانۋدا. بيىل 89 ملرد تەڭگەنى قۇرايتىن 15 جوبا ىسكە قوسىلادى. ونىڭ ىشىندە شەتەل ينۆەستورلارىنىڭ قاتىسۋىمەن M-KAT GREEN كۇن ەلەكتر ستانساسى (100 مۆت) جوباسى بار. وبلىستا بالاما ەلەكتر قۋاتىن وندىرەتىن 5 جوبانىڭ قۇرىلىسى جۇرگىزىلۋدە. قولدانىستاعى 9 جوبانى (170 مۆت) قوسقاندا جالپى قۋات 403 مۆت قۇرايدى, – دەدى ا.مىرزاح- مەتوۆ.

وبلىس تۇرعىندارىنىڭ ءال-اۋقاتى اگروونەركاسىپ كەشەنىنىڭ دامۋ دەڭگەيىمەن تىعىز بايلانىستى. وڭىرلەر اراسىندا اۋىل شارۋاشىلىعى ءونىمى ءوندىرىسى بو­يىنشا جامبىل وبلىسى ءبىرىنشى ورىندا تۇر. اتاپ ايتقاندا, ەگىستىك القابى 18 مىڭ گەكتاردان 687 مىڭ گەكتارعا جەتتى. وزىق تەحنولوگيالاردى ەنگىزۋ ارقىلى ۇدەمەلى باق 40%-عا ارتىپ, 1029 گەكتاردى قۇرادى. قانت قىزىلشاسىنىڭ ءتۇسىمى 135 مىڭ تونناعا جەتىپ, 7%-عا ارتتى. قانت ءوندىرىسىن دامىتۋ ءۇشىن قۋاتى جىلىنا 148 مىڭ توننا وندىرەتىن, قۇنى 85 ملرد تەڭگە بولاتىن زاماناۋي قانت زاۋىتىنىڭ قۇرىلىسى باستالدى. سوڭعى 2 جىلدا 25 كووپەراتيۆ قۇرىلىپ, ولاردىڭ جالپى سانى 55-كە جەتتى. وندا 13,3 مىڭ توننا ءسۇت, 4,5 مىڭ توننا ەت ءوندىرىلدى. بىلتىر رەسپۋبليكا كولەمىندە ەكسپورتتالعان قوي ەتىنىڭ 43 پايىزى جامبىل وڭىرىنە تيەسىلى. بيىل بۇل مەجە ەسەلەنىپ, 972 توننا قوزى ەتى ەكسپورتتالدى.

– جىل باسىنان بەرى 430 مىڭ شارشى مەتر تۇرعىن ءۇي پايدالانۋعا بەرىلدى. «نۇرلى جەر» باعدارلاماسى اياسىندا 30 كوپپاتەرلى تۇرعىن ءۇي سالىنۋدا. باسپاناعا مۇقتاج از قامتىلعان جانە كوپ بالالى وتباسىن تۇرعىن ۇيمەن قامتاماسىز ەتۋ ماقساتىندا 11 جاتاقحانا بوي كوتەرۋدە. ينفراقۇرىلىمدى جاڭعىرتۋعا باعىتتالعان «اۋىل – ەل بەسىگى» جوباسى اياسىندا بيىل وبلىستىڭ 3 اۋدان ورتالىعىندا 3 ملرد تەڭگەگە 108 جوبا ىسكە اسىرىلىپ جاتىر. ونىڭ 104 جوباسىندا جوندەۋ جۇمىستارى اياقتالىپ, 4 الەۋمەتتىك نىسان قۇرىلىسى 2020 جىلى بىتەدى. «ەڭبەك» باعدارلاماسىمەن 36 مىڭعا جۋىق ادام قامتىلىپ, 27 مىڭ ادام جۇمىسقا ورنالاستىرىلدى. ەسەپتى كەزەڭدە وبلىستا 18 مىڭ جاڭا جۇمىس ورنى اشىلدى. ونىڭ 11,5 مىڭى تۇراقتى. تۇرعىنداردىڭ تۇرمىستىق تابىسىن جاقسارتۋ جوباسى 5 باعىتتا جۇزەگە اسىرىلماق, – دەدى وبلىس اكىمى.

سپيكەر ءبىلىم سالاسىندا 15 جەكەمەنشىك مەكتەپكە دەيىنگى ۇيىمدار اشىلىپ, 3-6 جاس ارالىعىنداعى بالالاردى بالاباقشامەن قامتۋ ۇلەسى 100%-عا جەتكەنىن ايتتى. 2 جىلدا 14 مەكتەپ سالىنىپ, 4 اپاتتى, 4 ءۇش اۋىسىمدى, 6 ورىن تاپشىلىعى بار مەك­تەپتىڭ ماسەلەسى شەشىمىن تاپقان. بۇگىندە 3 اپاتتى مەكتەپتىڭ ورنىنا جاڭا نىسان سالۋ ىسكە اسىرىلۋدا. كەلەر جىلى اتالعان ماسەلە تولىعىمەن رەتتەلمەك.

– مەديتسينالىق اقپاراتتىق جۇيە بارلىق مەديتسينالىق ۇيىمداردا ەنگىزىلدى. ينتەرنەت جەلىسىنە 391 مەكەمەنىڭ 383-ءى (98%) قوسىلعان. حالىقتىڭ 95%-نىڭ ەلەكتروندى دەنساۋلىق پاسپورتتارى بار. سونداي-اق 200 ورىندىق ونكولوگيالىق ديسپانسەر سالىنىپ جاتىر. قۇرىلىس 2021 جىلى اياقتالادى. وبلىستا شاعىن سپورت الاڭدارىنا تۇگەندەۋ جۇرگىزىلىپ, قاجەتتىلىك 266 نىساندى قۇرادى. بيىل 134-ءى سالىندى. جىل سوڭىنا دەيىن 40 نىسان پايدالانۋعا بەرىلەدى. جەرگىلىكتى تۇرعىنداردىڭ دەنە شىنىقتىرۋمەن اينالىسۋى ءۇشىن دەمەۋشىلەر كومەگىمەن 400 ادامعا ارنالعان 1 سپورت كەشەنى سالىندى, بيۋدجەت ەسەبىنەن 2-ءۋىنىڭ قۇرىلىسى ءجۇرىپ جاتىر. مادەنيەت سالاسىندا اۋىل تۇرعىندارىنىڭ سۇرانىسىن قامتۋ ءۇشىن وبلىستا 153 اۋىلدىق وكرۋگتە اقپاراتتىق ورتالىق اشىلدى, – دەدى جامبىل وبلىسىنىڭ اكىمى.

تۋريزم سالاسىندا ينۆەستيتسيا تارتۋ ءۇشىن ايماقتىق كارتا بەكىتىلىپتى. «وعان 33 تۋريستىك نىسان ەنگىزىلىپ, 12 تۋريستىك باعىت ايقىندالدى. 2 جىلدا 8 ساياباق, گۇلزارلار مەن اللەيالار سالىندى. تاياۋ ۋاقىتتا «شاحريستان» ەتنومادەني كەشەنى (200 گا استام) پايدالانۋعا بەرىلگەلى وتىر. وندا «رۋحانيات», «كورمە ورتالىقتارى», «كوركەم سۋرەت گالەرەياسى», «قولونەر شەبەرحاناسى», «ولكەتانۋ مۇراجايى», «تاريحتانۋ ورتالىعى» سىندى نىساندار قامتىلعان», دەدى ا.مىرزاحمەتوۆ.