استىڭ ءدامىن كەلتىرگەن

ءدامى ءتىل ۇيىرگەن تاعام دايىن­داۋ ءۇشىن دە شىنايى شەبەرلىك قاجەت. سايىسقا قاتىسۋشىلاردىڭ ايتۋلارىنا قاراعاندا, توپ جارۋ وڭاي بولماسا كەرەك. الەمنىڭ وتىز مەملەكەتىنەن 250-دەن اس­تام ايتۋلى اسپازدار جينالعان. ءبىرىنىڭ دامىنەن بىرىنىكى ءتاتتى. بە­زەندىرىلۋى دە اسەم. ەڭ كىرپياز, تالاپشىل تالعام يەسىنىڭ ءوزىن ءتانتى ەتكەندەي. الدىمەن, وزبەك حالقىنىڭ ەجەلدەن ماقتاۋلى اسحاناسىمەن تانىسىپتى. سان عاسىرلىق تاجىريبەسى بار وزبەك اسپازدارى شىعىس حالقىنىڭ الەمگە ايگىلى تاعام تۇرلەرىن دا­يىنداۋدىڭ وزدەرى ابدەن مەڭ­گەرگەن قىر-سىرىن اشقان. ۋاقىت­تارى جەتكەنشە ۇيرەتكەن, ءدام تاتىرعان. سول ارقىلى وزدەرىنىڭ قان­شالىقتى قوناقجاي حالىق ەكەندىكتەرىن كورسەتكەن.

بايگە اتاۋلىنىڭ بارىندە مەرەيىڭنىڭ ۇستەم بولۋى الدى­مەن وزىڭە بايلانىستى. قاتى­سۋشىلارعا نەبارى وتىز مينۋت ۋاقىت بەرىلگەن ەكەن. وسى ۋا­قىتتىڭ ىشىندە تاڭعى اس, تۇسكى اس دايىنداپ ۇلگەرۋىڭ كەرەك. كوكشەتاۋلىق اسپازدار ۇلتتىق تاعام تۇرلەرىن دايىنداۋمەن ۇتىپتى. ىرىمشىك, قۇرت, سۇرلەنگەن قازى-قارتا, جال-جايا.

– ءبىز دايىنداعان ءدامدى تاتقان­دار ماڭايىمىزدان اينالسوقتاپ كەتە الماي قالدى, – دەيدى وبلىس ورتالىعىنداعى №1 كوللەدجدىڭ شەبەرى يرينا يبراگيموۆا, – ۇنات­قاندارى سونداي, ساتاسىڭدار ما دەپ قولقالادى. اسىرەسە تۇتىنگ­ە از عانا ۇستالىپ, بابىمەن كەپتى­رىلگەن ءسۇر ەتتىڭ ءيىسى قازىلار ال­قا­سىن عانا ەمەس, بىلايعى جۇرت­تى دا شاقىرىپ تۇردى.

اسپازداردىڭ ايتۋىنا قارا­عاندا, ءتۋريزمدى دامىتۋعا ءدامى ءتىل ۇيىرەتىن تاعام دا دانەكەر بولا الار ەدى. ارينە الەمدەگى ءارلى, ءنارلى تاعامنان تالعاپ ءدام تاتىپ جۇرگەندەردى تاڭىرقاتۋ وڭاي ەمەس. بۇل ورايدا ولار ءۇشىن قا­زاقتىڭ بار ءدامى باعالى. ونى وسى جولى ءبىزدىڭ اسپازدار اڭعارىپ قايتقان. ەندىگىسى قارا­پايىم قازان قايناتقانعا قاراپ قالماي, عاسىرلار بويى جالعاسىپ كەلە جاتقان ۇلتتىق تاعام دايىنداۋ ونەرىن سونى ءبىر بيىككە شىعارۋ.

ايتپاقشى, كوكشەتاۋدان بار­عان ءتورت اسپاز قازاقستان اس­پاز­دارى ۇلتتىق اسسوتسيا­تسيا­سى­نىڭ پرەزيدەنتى, وبلىستىق ءماسليحاتتىڭ دەپۋتاتى ەلەنا ماششينسكاياعا العىستارىن ايتۋدا. جەكە كاسىپكەر بايقاۋعا قاتى­سۋشىلاردىڭ بار شىعىنىن كوتەرگەن. سول كومەگىنىڭ ارقا­سىندا تورتكۇل دۇنيەدەن جينال­عان اس قادىرىن بىلەتىن قاۋىم قا­زاق حالقىنىڭ ءدامىن تاتىپ, جو­عارى باعاسىن بەرىپتى. كوكشە­تاۋلىق اسپازدار ءۇش اتالىم بو­يىنشا كۇمىس مەدالدارمەن مارا­پاتتالعان. ەڭ باستىسى, ەندىگى ارا­دا بىزدەن باسقا جۇرت تا قازى-قارتا, جال-جايانىڭ قادىرىن بىلە جۇ­رەدى.