بۇل جايىندا ءباسپاسوز-كونفەرەنتسياسى بارىسىندا سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسى بويىنشا دەپارتامەنت باسشىسى ميرلان مۇحامبەتوۆ باياندادى.
جۋىردا مەملەكەت باسشىسى قاسىم-جومارت توقاەۆ «مەملەكەتتىك قىزمەت جانە سىبايلاس جەمقورلىققا قارسى ءىس-قيمىل ماسەلەلەرى بويىنشا قازاقستان رەسپۋبليكاسىنىڭ كەيبىر زاڭناما اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭىنا قول قويعانى بەلگىلى.
«بۇل تاۋەلسىز مەملەكەتىمىزدىڭ تاريحىنداعى تىڭ جاڭالىق. اتالعان زاڭنىڭ قابىلدانۋى - مەملەكەتىمىزدەگى سىبايلاس جەمقورلىققا قارسى ءىس-قيمىلدىڭ جاڭا كەزەڭىن باستادى دەپ ايتا الامىز. بۇگىنگى كۇنى باسشىلاردىڭ قول استىنداعى قىزمەتكەرلەرى ءۇشىن جاۋاپكەرشىلىگى زاڭنامالىق دەڭگەيدە بەكىتىلدى»,- دەدى ميرلان مۇحامبەتوۆ.
ءباسپاسوز ماسليحاتىنداعى اقپاراتقا سايكەس ساياسي مەملەكەتتىك قىزمەتشىلەر – مينيسترلەر مەن ولاردىڭ ورىنباسارلارى, وبلىستار, نۇر-سۇلتان, الماتى, شىمكەنت قالالارى اكىمدەرى مەن ولاردىڭ ورىنباسارلارى, اۋدان اكىمدەرى ولاردىڭ تىكەلەي باعىنىشتى قىزمەتكەرلەرى سىبايلاس جەمقورلىق قۇقىق بۇزۋشىلىق جاساسا مىندەتتى تۇردە وتستاۆكاعا شىعۋعا سۇرانۋى كەرەك.
اتالعان تالاپتىڭ ورىندالۋى ءۇشىن سوتتىڭ ايىپتاۋ ۇكىمى نەمەسە نەمەسە اقتالمايتىن نەگىزدەر بويىنشا قىلمىستىق ءىستىڭ توقتاتىلۋى جەتىپ جاتىر.
ال ەگەر ساياسي ەمەس, بىراق ا جانە ب كورپۋسىنىڭ اكىمشىلىك مەملەكەتتىك قىزمەتشىلەرى بولىپ تابىلاتىن بارلىق باسقا باسشىلاردىڭ قاراماعىنداعى قىزمەتكەرلەر سىبايلاس جەمقورلىق قۇقىق بۇزۋشىلىق جاساعان جاعدايدا زاڭنامادا بەلگىلەنگەن تارتىپتىك جاۋاپكەرشىلىك قاراستىرىلعان.
سونىمەن قاتار, اتالعان زاڭنامادا سىبايلاس جەمقورلىقتىڭ الدىن الۋ شارالارىن ەلەمەگەن باسشىلارعا دا قاتىستى تارتىپتىك جازانىڭ بار ەكەندىگى ايتىلدى.
ء«ۇشىنشى جاڭاشىلىق – نورماتيۆتىك قۇقىقتىق اكتىلەردىڭ جوبالارىنا سىبايلاس جەمقورلىققا قارسى ساراپتامانى ەنگىزۋ ينستيتۋتى قايتا جانداندىرىلدى. بۇل مەحانيزم زاڭنامالىق جانە نورماتيۆتىك قۇقىقتىق اكتىلەردى ازىرلەۋ ساتىسىندا ىقتيمال سىبايلاس جەمقورلىق تاۋەكەلدەرىن انىقتاۋعا جانە جويۋعا مۇمكىندىك بەرەدى»,- دەدى دەپارتامەنت باسشىسى.