ءبىزدىڭ باستى قۇندىلىعىمىز – ەلدىڭ اماندىعى مەن جەردىڭ تىنىشتىعى, بىرلىگى مەن بەيبىتشىلىگى. ءدىن قىزمەتكەرلەرى مۇنى ايتۋدان ەشقاشان جالىققان ەمەس. ويتكەنى پايعامبارىمىز پروگرەسكە ۇندەگەن. دامۋدىڭ جولىن كورسەتكەن. كەرىتارتپا كوزقاراس العا جىلجۋدى تەجەيدى. «وتاندى ءسۇيۋ – يماننان», دەگەن اتالى ءسوز بار. بۇل – تىلگە جەڭىل, جۇرەككە جىلى تيەتىن ناقىل. وتباسىن ىزگىلىككە تاربيەلەۋ, ەلدىڭ يگىلىگىنە قىزمەت ەتۋ, تۇراقتىلىق پەن تىنىشتىققا تىلەۋلەس بولۋ, مىنە, وتاندى ءسۇيۋ دەگەن وسىدان باستالادى. وتانشىل ادام ءوز ورتاسىن بەرەكە مەن بىرلىككە بولەپ, ىزگىلىككە ۇندەپ جۇرەدى.
راسىندا, حالىققا قىزمەت ەتۋدەن اسقان عازيز نارسە جوق. ايگىلى ايتەكە ءبيدىڭ: ء«ومىرىم – حالىقتىكى, ءولىمىم – وزىمدىكى», – دەيتىنى سوندىقتان. ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن): «ارالارىڭدا ەڭ جاقسىلارىڭ – اينالاسىنا پايدالى بولعاندارىڭ», دەپ قوعامعا شۋاعىن شاشىپ, جاقسىلىعىن جايىپ جۇرەتىن كوپشىل كىسىنىڭ مارتەبەسىن ەرەكشە اتاپ وتكەن.
وتكەنىمىزگە نازار سالساق, تاريح قاتپارىنداعى نەبىر كەلەڭسىز كەلىسپەۋشىلىكتەردىڭ ورىن الۋىنا ادام بويىنداعى استامشىل پيعىل مەن داراقى داندايسۋشىلىق ءھام تاكاپپارلىق پەن ۇستەمشىلدىككە ءۇيىر نيەتتىڭ تۇرتكى بولعانىنا كوز جەتكىزەمىز. ادامزات بالاسىنىڭ قاسىرەتى مەن دۇردارازدىعىنا ىزگىلىكتەن بەت بۇرىپ, ادامشىلىق اق پەيىلدەن اۋىتقىپ, ءاۋ باستاعى دۇنيەگە كەلۋدەگى مۇرات-ماقساتتان اينۋى, قارادۇرسىندىك پەن قاتىگەزدىككە بوي الدىرۋى اسەر ەتكەنى تالاسسىز شىندىق. ال ادامزات وسىنداي وتكەن ءومىر سوقپاقتارىنداعى شالت كەتكەن قاتەلىكتەرىنەن ساباق الۋعا ءتيىستى. وسى تۇرعىدا عالامدىق بەيبىتشىلىككە ۇندەگەن كەز كەلگەن ىزگى قادام, ونىڭ ىشىندە ءداستۇرلى ءدىن جەتەكشىلەرىنىڭ سۇحباتتاستىق ورناتۋى, ادامزات بالاسىن تاتۋلىققا ۇندەۋى, ادامدىق ماقسات-مۇددەنى تانىپ بىلۋگە ۇنقاتىسۋى, ءسوز جوق اسا ماڭىزدى ءىس-شاراعا جاتادى.
وسى تۇرعىدان كەلگەندە, تəۋەلسىز قازاقستاننىڭ ءəربىر جەتكەن جەتىستىگىندە, باعىندىرعان بەلەسىندە تۇڭعىش پرەزيدەنتىمىز نۇرسۇلتان نازارباەۆتىڭ قولتاڭباسى جاتىر. ەلىمىزدەگى بارلىق ەتنوستاردى ءبىر شاڭىراقتىڭ استىنا توپتاستىرا بىلگەن ەلباسىنىڭ ەرەن ەڭبەگى تاريحتا مəڭگى قالا بەرمەك.
ن.نازارباەۆ تəۋەلسىزدىك جىلدارىندا ءدىني سەنىمى مەن ۇستانىمى ءبىر ارناعا توعىسا بەرمەيتىن əلەمدىك جانە ءدəستۇرلى دىندەر كوشباسشىلارىنىڭ باسىن ەلوردادا قوسىپ, ءدىن قايراتكەرلەرىن ورتاق ماقساتقا ۇندەدى. نۇر-سۇلتاندا əر ءۇش جىل سايىن وتەتىن Əلەمدىك جəنە ءدəستۇرلى دىندەر كوشباسشىلارىنىڭ سەزى جەر جۇزىندەگى ءدىنى مەن ءتىلى, ۇلتى مەن ۇلىسى ءəرتۇرلى كۇللى ادامزات بالاسىن بىرلىك پەن بەيبىتشىلىككە, ىمىرا مەن ىنتىماققا ۇيىستىرار بىرەگەي يگى جوباعا اينالدى. وسىلايشا ەلوردا بەيبىتشىلىكتىڭ التىن بەسىگىنە اينالدى.
نۇرسۇلتان نازارباەۆ əلەمگە تاتۋلىق پەن دوستىقتى, تۇراقتىلىق پەن تولەرانتتىلىقتى جاقتايتىن كوشباسشى, تۇلعا رەتىندە تانىلدى. ول كەشەگى اتا-بابالارىمىزدىڭ ارمانىن ورىنداپ, جاڭا قازاق مەملەكەتىنىڭ ىرگەتاسىن قالادى.
مەملەكەتتى باسقارۋدا ۇلت بىرلىگىن, ءدىن بىرلىگىن ءبىرىنشى ورىنعا قويىپ, دوستىق پەن كەلىسىمنىڭ ۇزدىك ۇلگىسىن قالىپتاستىرا ءبىلدى. وسىناۋ سارابدال ساياساتتىڭ ارقاسىندا ءبىزدىڭ ەلىمىزدە تىنىشتىق پەن تۇراقتىلىق سالتانات قۇردى.
مۇسىلمان قاۋىمىنىڭ ۇلىق مەيرامى – قۇربان ايت دەمالىس كۇنى بولىپ جاريالاندى. مۇسىلمان جاماعاتى مەملەكەتتىڭ بۇل قامقورلىعىنا ارقاشان دəن ريزا. ءبىز, يسلام ءدىنىنىڭ قىزمەتكەرلەرى مەملەكەتتىڭ تۇتاستىعى مەن يگىلىگى ءۇشىن قاشاندا دۇعا-تىلەكتەمىز.
مۇسىلمان ادام وزىنە جاسالعان جاقسىلىقتىڭ قايتارىمى رەتىندە اللاعا جانە ادامعا ءاردايىم العىسىن ايتۋدى مىندەتى سانايدى. ويتكەنى ارداقتى پايعامبارىمىز مۇحاممەد (وعان اللانىڭ سالاۋاتى مەن سالەمى بولسىن) ءبىر حاديسىندە: «ادامعا العىس ايتا الماعان اللاعا دا العىس ايتا المايدى», دەگەن.
اسىل ءدىنىمىزدىڭ جاناشىرى نۇرسۇلتان نازارباەۆ پرەزيدەنتتىك وكىلەتتىگىن توقتاتۋ تۋرالى شەشىمىن جاريالاۋدان ءبىر كۇن بۇرىن ەلوردادا ورتالىق ازيا مەن تمد ەلدەرى بويىنشا تەڭدەسى جوق, ءبىر مەزەتتە 30 مىڭ ادام قۇلشىلىعىن وتەي الاتىن ءزəۋلىم مەشىتتىڭ ىرگەتاسىن قالادى. وسى تاريحي شارادان كەيىن ەلباسى قازاقستان مۇسىلماندارى ءدىني باسقارماسىنىڭ جاڭا عيماراتىن ارالاپ, ءدىن قىزمەتكەرلەرىمەن سۇحباتتاستى.
ءمۇفتياتتىڭ جۇمىسىنا سəتتىلىك تىلەپ, يگى باستامالارىمىزعا باتاسىن بەردى. بۇل – ەلباسىنىڭ يسلام ءدىنى مەن ەلىمىزدەگى 70 پايىزدان استام مۇسىلمان جاماعاتىنىڭ قاراشاڭىراعى – قازاقستان مۇسىلماندارى ءدىني باسقارماسىنا جاساعان قامقورلىعىنىڭ جارقىن كورىنىسى دەپ ايتار ەدىم.
سەرىكباي قاجى وراز,
قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي