بۇل تۋرالى نۇر-سۇلتان قالاسى اكىمدىگىنىڭ ءباسپاسوز قىزمەتى حابارلادى.
«ەلوردا اكىمى التاي كولگىنوۆ «Nur Otan» پارتياسىنىڭ قالالىق فيليالىنداعى قوعامدىق قابىلداۋ بولمەسىندە قابىلداۋعا جازىلعان ازاماتتارمەن كەزدەستى. تۇرعىن ءۇي باعدارلامالارىنا قاتىسۋ, ەڭبەك قۇقىعىن بۇزۋ, جانۋارلاردى زاڭسىز اتۋ, تۇرعىن ءۇي كوممۋنالدىق شارۋاشىلىعى بويىنشا ماسەلەلەر كوتەرىلدى.
قالاداعى تۇرعىن ءۇي تۇرعىندارىنىڭ ءبىرى ليفت اقىسىن ۋاقىتىلى تولەگەنىمەن, كەي كەزدە ولاردىڭ جاسامايتىنىن ايتتى. بۇدان بولەك ءوز بەتىنشە ورناتىلعان مەتالل قورشاۋلار الىپ تاستاۋدى سۇرادى.
4 اي ىشىندە ەلوردا اكىمى ا. كولگىنوۆ 630-دان استام ازاماتتى قابىلدادى. سونىمەن قاتار ازاماتتاردى قابىلداۋ اۋداندىق اكىمدىكتەردە جانە دە «جانۇيا» وتباسى ينستيتۋتىن قولداۋ ورتالىعىندا جۇيەلى تۇردە وتكىزىلەدى. كوتەرىلگەن ءاربىر ماسەلە باقىلاۋعا الىنىپ, ولار بويىنشا جۇمىستار جۇرگىزىلىپ جاتىر», دەلىنگەن حابارلامادا.