بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
«اعىمداعى جىلدىڭ 27 قاراشاسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ تاپسىرماسى بويىنشا جۇزەگە اسىرىلعان گۋمانيتارلىق اكتسيا ناتيجەسىندە يراكتان قازاقستانعا يراك تۇرمەسىندە ءوز انالارىمەن جاتقان 14 قازاقستاندىق بالا قايتارىلدى. ولاردىڭ انالارى سوتتالىپ, تۇرمەدە تەرروريستىك ارەكەتكە قاتىستىلىعى ءۇشىن جازاسىن وتەپ جاتىر.
اتالمىش گۋمانيتارلىق اكتسيا بالالاردىڭ انالارى مەن تۋعان-تۋىستارىنىڭ سۇراۋى بويىنشا سىرتقى ىستەر مينيسترلىگى بىرقاتار مەملەكەتتىك ورگاندارمەن, وتاندىق ۇكىمەتتىك ەمەس قۇرىلىمدارمەن جانە حالىقارالىق ۇيىمدارمەن تىعىز بايلانىسا وتىرىپ جۇزەگە اسىردى.
يراكتىڭ بيلىگىنە جانە وسى اكتسيانى جۇزەگە اسىرۋعا اتسالىسقان بارلىق تۇلعالار مەن ۇيىمدارعا كورسەتكەن كومەگى مەن قولداۋى ءۇشىن شىنايى العىسىمىزدى بىلدىرەمىز.
قۇجاتتاندىرۋ ۇدەرىسى مەن وڭالتۋ كەزەڭى اياقتالعاننان كەيىن بالالار ءوز تۋىستارىمەن قاۋىشاتىن بولادى.
2019 جىل قازاقستان رەسپۋبليكاسى مەن يۋنيسەف ءۇشىن ماڭىزدى. وسىدان تۋرا 30 جىل بۇرىن بۇۇ-نىڭ بالا قۇقىقتارى تۋرالى كونۆەنتسياسىنا قول قويىلدى, ال اقپان ايىندا ءبىزدىڭ وسى كونۆەنتسيانى راتيفيكاتسيالاعانىمىزعا 25 جىل تولدى», دەلىنگەن حابارلامادا.