قازاقستان رەسپۋبليكاسىنىڭ قم باس اسكەري كلينيكالىق گوسپيتالى تراۆماتولوگيالىق ءبولىمىنىڭ دارىگەرلەرى العاش رەت نۇر-Cۇلتان قالاسىندا اسكەري قىزمەتشىگە تىزە بۋىنىنىڭ پاتولوگياسىن جاڭا ادىستەمە بويىنشا جەدەل ەمدەۋدى جۇرگىزدى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.
تراۆماتولوگيالىق ءبولىمنىڭ باستىعى مەديتسينا قىزمەتىنىڭ پودپولكوۆنيگى ادىلەت اقتاەۆتىڭ ايتۋىنشا, جوسپارلانعان وپەراتسيا ارتروسكوپيالىق قۇرال-جابدىقتاردىڭ كومەگىمەن وتكىزىلگەن.
مۇنداي وپەراتسيالىق ەمدەۋدىڭ ەرەكشەلىگى - مونيتور ارقىلى بەينەباقىلاۋ مەن باقىلاۋدى پايدالانۋ بولىپ تابىلادى. بۇل ءوز كەزەگىندە وپەراتسيادا جاراقاتتى از بولادى. مانيپۋلياتسيالار ءتىلىمسىز, تەك تەسۋ ارقىلى, ورىندالادى. بۇل ناۋقاستىڭ تەز قالپىنا كەلۋىنە ءوز سەپتىگىن تيگىزەدى.
اسكەري گوسپيتالدا حابارلاعانداي, قازىرگى ۋاقىتتا وپەراتسيا جاسالعان اسكەري قىزمەتشى ءوزىن جاقسى سەزىنىپ, اياققا تۇرۋدا. كەلەسى اپتادا جوسپارلى تۇردە اسكەري دارىگەرلەر يىق بۋىنىنىڭ پاتولوگياسى بار باسقا ناۋقاستى جەدەل ەمدەۋدى جۇرگىزەدى.