وبلىستىق ىشكى ىستەر دەپارتامەنتىنىڭ مالىمەتىنشە, تاراز قالاسىنداعى كەلەڭسىز ورىن العان جاعدايدان سوڭ وڭىردەگى ءبىلىم بەرۋ سالاسىنداعى باقىلاۋ دەپارتامەنتىمەن بىرلەسىپ مەكتەپتەردەگى دارەتحانالار جايى تەكسەرىلگەن.
جالپى جۇرگىزىلگەن تالداۋلارعا سايكەس, وبلىستاعى اۋىل قالانى قوسقاندا 356 مەكتەپ بار. وسى مەكتەپتەردىڭ 233-سىندە دارەتحانالار ءالى كۇنگە دەيىن سىرتتا ورنالاسقان.
مىسالى, وبلىس ورتالىعىنداعى 54 مەكتەپتىڭ ەكەۋىندە, №31 جانە 32 مەكتەپتەردە, اقسۋ قالاسىنداعى 20 مەكتەپتىڭ بىرەۋى - بەلوۆكا اۋىلىنداعى مەكتەپ.
قازىر وسى 233 مەكتەپتىڭ دارەتحانالارىنىڭ سىرتتا ورنالساۋىنا وراي, ىشكى ىستەر دەپارتمەنتى مەكتەپ ينسپەكتورلارى مەكتەپ اۋماعىندا ۇنەمى پاترۋلدەۋدى جۇزەگە اسىرۋى قاجەت ەكەنىن تاپسىردى.
سونىمەن قاتار مامانداندىرىلعان كۇزەت قۇرىلىمدارىمەن كەلىسىمشارت جاساۋ ارقىلى مەكتەپتەر وقۋشىلاردىڭ قاۋىپسىزدىگىن قامتاماسىز ەتۋدى جانە وبلىستىڭ بارلىق وقۋ ورىندارىندا دابىل تۇيمەلەرىن ورناتۋدى ۇسىندى.