«ازىق-ت ۇلىك كورپوراتسياسى استىقتىڭ رەزەرۆتىك قورىن قالىپتاستىرۋدى اياقتادى. ەلدىڭ ارنايى قويمالارىنا 2019 جىلعى ەگىننىڭ 350 مىڭ توننا بيدايى ءتۇسىرىلدى.
بۇعان دەيىن حابارلانعانداي, اعىمداعى جىلدىڭ 28 قازانىندا «ازىق-ت ۇلىك كەلىسىم شارت كورپوراتسياسى» ۇك استىق ساتىپ الۋدى جەدەلدەتۋ ءۇشىن رەزەرۆتىك قورعا ساتىپ الۋ باعاسىن قايتا وزگەرتتى. ەسكى جانە جاڭا كورسەتكىشتەر اراسىنداعى ايىرماشىلىق ءونىمنىڭ ساپالىق كورسەتكىشتەرىنە بايلانىستى تونناسىنا 18 مىڭ تەڭگەگە جۋىق قارجىنى قۇرادى.
ازىق-ت ۇلىك كەلىسىم شارت كورپوراتسياسى استىق جيناۋ بارىسىندا قولايسىز اۋا-رايى جاعدايلارىنا تاپ بولعان قازاقستاندىق شارۋالاردىڭ استىقتى جوعارعى باعامەن وتكىزۋلەرىن قامتاماسىز ەتتى.
جالپى ازىق-ت ۇلىك كورپوراتسياسى 2019 جىلعى 3 جانە 4 سۇرىپتى 350 مىڭ توننا بيداي ساتىپ الدى.
قالىپتاسقان ازىق-ت ۇلىك استىعىنىڭ كولەمى كوكتەمگى-جازعى كەزەڭدە وتاندىق ۇن تارتۋ كاسىپورىندارىن قامتاماسىز ەتۋ ءۇشىن پايدالانىلاتىن بولادى, ول قاجەت بولعان جاعدايدا قازاقستان رەسپۋبليكاسىنىڭ نارىعىندا ۇن مەن نان-توقاش ونىمدەرىنە باعانى ۇستاپ تۇرۋ ءۇشىن پايدالانىلادى», دەلىنگەن حابارلامادا.