بەرىلەتىن ارەندالىق پاتەرلەر قوستانايدىڭ ءار جەرىندە ورنالاسقاندىقتان, قالا اكىمى قايرات احمەتوۆ كىلتتى اكىمدىكتە تاپسىردى.
– تۇڭعىش پرەزيدەنت نۇرسۇلتان نازارباەۆتىڭ «الەۋمەتتىك قامقورلىق» دەپ اتالاتىن الەۋمەتتىك شارالار كەشەنىن جۇزەگە اسىرۋ ماقساتىندا قوستاناي قالاسىندا تۇرعىنداردىڭ الەۋمەتتىك ءالجۋاز بولىگىن باسپانامەن قامتاماسىز ەتۋ باعىتىندا جۇمىستار جۇرگىزىلدى. مىنە سونىڭ ارقاسىندا كوپ بالالى 30 وتباسىنا پاتەر كىلتىن تاپسىرعالى وتىرمىز,- دەدى قايرات جۇماش ۇلى.
كوپ بالالى وتباسىلارعا بەرىلگەن پاتەرلدەردىڭ بارلىعى دا تەندەر ارقىلى قالاداعى ەكىنشى نارىقتاعى ۇيلەردەن ساتىپ الىندى. بۇل پاتەرلەر قازىرگى قۇقىقتىق-نورماتيۆتىك قۇجاتتار بويىنشا ەشكىمنىڭ جەكە مەنشىگىنە وتپەيدى, بىراق العان وتباسىلار قانشا قالاسا سونشا تۇرا الادى.
ء«بىز ونشاقتى جىلدان بەرى پاتەردەن پاتەرگە كوشتىك, سوڭعى جىلدارى جاتاقحانادا تۇردىق. ەندى ءوز باسپانامىز بولادى, قۋانىشتىمىز. ەلباسىنا العىسىم شەكسىز!» دەيدى ءتورت بالانىڭ اناسى لاۋرا جۋحينا. قوستانايدا تاعى دا جىل اياعىنا دەيىن 15 وتباسى وسىنداي ارەندالىق باسپانا الاتىن بولادى. دەمەك قوستانايدا 2019 جىلى كوپ بالالى 97 وتباسى پاتەرگە يە بولادى. قالا اكىمى قايرات احمەتوۆتىڭ ايتۋىنا قاراعاندا, ءۇش جىلدىڭ ىشىندە كوپ بالالى وتباسىلاردىڭ باسپاناعا تۇرعان كەزەگى جابىلادى, ال جىل باسىنان بەرى پاتەر كەزەگىندە تۇرعاندار سانى 300 بولعان ەدى.
قوستاناي