نۇرسۇلتان نازارباەۆ تاتارستان رەسپۋبليكاسى مەملەكەتتىك كەڭەسىنىڭ توراعاسى فاريد مۇحامەتشينمەن كەزدەستى. بۇل تۋرالى elbasy.kz حابارلادى.
كەزدەسۋ بارىسىندا تاراپتار قازاقستان مەن رەسەيدىڭ ەكىجاقتى قاتىناستارىن نىعايتا وتىرىپ, قازاقستان مەن تاتارستان اراسىنداعى ىنتىماقتاستىقتى دامىتۋ ماسەلەلەرىن تالقىلادى.
- ءبىزدىڭ ەلگە قوش كەلدىڭىز. تاتارستان - رەسەيدىڭ دامىپ كەلە جاتقان ايماعى. ءسىز قازاقستان پارلامەنتىنىڭ ماجىلىسىندە دە, سەناتىندا دا كەلىسسوزدەر جۇرگىزدىڭىز. مەن ءبىزدىڭ قارىم-قاتىناسىمىزدى وتە جوعارى باعالايمىن, - دەدى نۇرسۇلتان نازارباەۆ.