مەملەكەتتىك ساپارمەن قىرعىزستان استاناسى بىشكەككە كەلگەن پرەزيدەنت قاسىم-جومارت توقاەۆ قىرعىزستان باسشىسى سوورونباي جەەنبەكوۆپەن بىرگە «اتا-بەيىت» مەموريالدىق كەشەنىنە باردى.
پرەزيدەنتتەر مارقۇمداردىڭ رۋحىنا تاعزىم ەتتى. مەملەكەت باسشىلارى شىڭعىس ايتماتوۆتىڭ بەيىتىنە گۇلدەستە قويدى.
قازاقستان پرەزيدەنتى وسى ساپار اياسىندا سوورونباي جەەنبەكوۆپەن ەكىجاقتى كەزدەسۋ وتكىزەدى, سونداي-اق قازاقستان رەسپۋبليكاسى مەن قىرعىز رەسپۋبليكاسى جوعارى مەملەكەتارالىق كەڭەسىنىڭ 5-وتىرىسىنا قاتىسادى دەپ جوسپارلانعان. كەلىسسوزدەر بارىسىندا ساياسي, ساۋدا-ەكونوميكالىق, ينۆەستيتسيالىق جانە مادەني-گۋمانيتارلىق سالاداعى ەكىجاقتى ءىس-قيمىلدار ماسەلەسى تالقىلانباق.
مەملەكەت باسشىسى 28 قاراشا كۇنى وتەتىن ۇجىمدىق قاۋىپسىزدىك تۋرالى شارت ۇيىمى ۇجىمدىق قاۋىپسىزدىك كەڭەسىنىڭ سەسسياسىنا قاتىسادى.
بىشكەكتەن