الماتى اكىمى باقىتجان ساعىنتاەۆ قالادا شەتەلدىك جانە وتاندىق كينوكومپانيالارعا فيلم ءتۇسىرۋدى ۇيىمداستىرۋعا كومەكتەسەتىن جاڭا قۇرىلىم پايدا بولاتىنىن Almaty Investment Forum الاڭىندا ايتتى.
اكىمنىڭ ايتۋىنشا, الماتى – فيلم تۇسىرۋگە ىڭعايلى قالا. الماتىنىڭ اۋا رايى وتە قولايلى. بەس كليماتتىق ايماق بار. كەرەمەت لاندشافتتار مەن دامىعان ينفراقۇرىلىم كەز-كەلگەن جانرداعى فيلمدەردى تۇسىرۋگە ىڭعايلى.
«قازىردىڭ وزىندە الماتى مەن الماتى وبلىسىنا شەت مەملەكەتتەردىڭ ستۋديالارى مۋزىكالىق بەينەكليپتەر, جارناما مەن دەرەكتى فيلمدەر تۇسىرۋگە ءجيى كەلەدى. قالا اكىمدىگى جانىنان بارلىق جاعدايدى جاساۋ ءۇشىن Almaty Film Commission ارنايى قۇرىلىم قۇرىلدى. بۇل ء«بىر تەرەزە» قاعيداتى بويىنشا شەتەلدىك جانە وتاندىق كينوكومپانيالارعا الماتىدا دا, كينو ءتۇسىرۋدى ۇيىمداستىرۋعا كومەكتەسەدى», - دەدى باقىتجان ساعىنتاەۆ Almaty Investment Forum اياسىندا.
اكىم كينو بيزنەسى, ءبىلىم بەرۋ جانە مەملەكەتتىڭ تىعىز ءوزارا ءىس-قيمىلىنىڭ ارقاسىندا ءبىز وتاندىق كينەماتوگرافيانى دامىتىپ, الماتىنى الەمدىك كينو تۇسىرەتىن الاڭعا اينالدىرۋعا نيەتتى ەكەنىن اتاپ ءوتتى.
«بۇل تەك ءبىزدىڭ قالامىزدىڭ بەدەلىن كوتەرىپ قانا قويمايدى, سونىمەن بىرگە ءتۋريزمنىڭ دامۋىنا, ورتا جانە شاعىن بيزنەستىڭ دامۋىنا كوپ اسەر ەتەدى. مەن سونىمەن قاتار انيماتسيا وندىرىسىنە توقتالعىم كەلەدى. كەڭەس داۋىرىندە الماتى انيماتسيا مەكتەبى جوعارى ناتيجەلەرگە قول جەتكىزدى. قازىر انيماتسيالىق ستۋديالار ءىس جۇزىندە جوق - بۇل ينۆەستيتسيالار ءۇشىن ۇلكەن رەزەرۆ. ءبىزدىڭ انيماتورلاردىڭ ۇلكەن الەۋەتكە يە ەكەندىگىنە سەنىمدىمىن, ونى دامىتۋ قاجەت», - دەدى باقىتجان ساعىنتاەۆ.