قۇرلىقتىق حوككەي ليگاسىنداعى (قحل) كەزەكتى تۋر ويىنىن ماگنيتوگورسكىدە جەرگىلىكتى «مەتاللۋرگكە» قارسى وتكىزگەن «بارىس» جەڭىستى قارسىلاسىنىڭ ۋىسىنان ج ۇلىپ اكەتتى.
العاشقى گولدى جەتىنشى مينۋتتا رەسەي سپورتىنىڭ ماقتانىشى, قحل-دىڭ تالاي رەكوردىن جاڭارتقان ساقا ويىنشى, وليمپيا ويىندارىنىڭ جەڭىمپازى, الەمنىڭ ەكى دۇركىن چەمپيونى جانە سول جارىستىڭ ءتورت دۇركىن جۇلدەگەرى دەگەن دارداي اتاعى بار ايگىلى سەرگەي موزياكين سوققان ەدى.
ۇزىلىستەن كەيىن پاۆەل اكولزين تارازى باسىن تەڭەستىردى. ودان كەيىن ەسەپ وزگەرگەن جوق. ال قوسىمشا ۋاقىتتا لينۋس ۆيدەلل نىسانانى ءدال كوزدەپ, قوناقتارعا جەڭىس سىيلادى. ەسەپ – 1:2.
رەسمي دەرەككە سۇيەنسەك, «بارىس» 1999 جىلدىڭ 26 قاراشاسىندا قۇرىلعان ەكەن. ياعني, نۇر-سۇلتاننىڭ حوككەيشىلەرى وزدەرىنىڭ 20 جىلدىق مەرەيتويىن ماگنيتوگورسك قالاسىنداعى تاماشا جەڭىسىمەن اتاپ ءوتتى.