باسكەتبولدان ۆتب ليگاسىنىڭ كەزەكتى تۋر ويىنىن نۇر-سۇلتاننىڭ «استاناسى» تالليندە جەرگىلىكتى «كالەۆ» كلۋبىنا قارسى وتكىزدى.
باستاپقىدا جەرلەستەرىمىز ءسال بەلسەڭدى كورىنىپ, ءبىرىنشى كەزەڭنىڭ قورىتىندىسى بويىنشا قارسىلاستارىنان ءتورت ۇپاي ارتىق جيدى. الايدا ۇزىلىستەن كەيىن قارقىنىن كۇرت كۇشەيتكەن ەستوندىقتار ويىن تىزگىنىن مىقتاپ قولعا الدى. ءبىزدىڭ جىگىتتەر بىلگەندەرىنەن جاڭىلىپ, قاتەلىككە ءجيى بوي الدىرىپ قازاقستىندىق جانكۇيەرلەردى ابدەن مەزى ەتتى. ەكىنشى كەزەڭدە ولار بىزدەن ءتورت ۇپاي وزسا, ءۇشىنشى كەزەڭدە باقانداي 18 ۇپايعا ۇزادى.
جاعدايدى تۇزەۋ ءۇشىن «استانانىڭ» ويىنشىلارى سوڭعى كەزەڭدە بارىن سالدى. تىپتەن, ۇپاي ايىرماشىلىعىن التىعا دەيىن دە ازايتقان ساتتەرىمىز بولدى. بىراق ودان ارىگە ءالىمىز جەتپەدى. ناتيجەسىندە بۇل ماتچ 84:76 (15:19, 25:17, 31:17, 13:23) ەسەبىمەن «كالەۆتىڭ» پايداسىنا شەشىلدى.
قازىرگى كەزدە «استانا» جارىس كەستەسىندە 10 ورىندا كەلەدى. ۆتب ليگاسىنداعى كەلەسى كەزدەسۋىن جەرلەستەرىمىز 7 جەلتوقساندا نۇر-سۇلتاندا رەسەيدىڭ تومەنگى نوۆگورود قالاسىنان كەلگەن كومانداعا قارسى وتكىزەدى.