شورت-ترەكتەن جاڭا ماۋسىم جالعاسۋدا. جاقىندا اقش پەن كاناداداعى الەم كۋبوگىنەن ورالعان قازاقستاندىق سپورتشىلار كەزەكتى جارىسقا قاتىسۋ ءۇشىن جاپونياعا ۇشىپ كەتتى. بۇل تۋرالى Olympic.kz حابارلادى.
29 قاراشا مەن 1 جەلتوقسان ارالىعىندا جاپونيانىڭ ناگويا قالاسى شورت-ترەكتەن الەم كۋبوگىنىڭ ءۇشىنشى كەزەڭىن قابىلدايدى.
كوماندا باس باپكەرى مادىعالي قارسىبەكوۆ كۋبوكتىك كەزەڭدە باق سىنايتىن سپورتشىلار ءتىزىمىن جاريا ەتتى.
ولار: ابزال اجىعاليەۆ, نۇربەرگەن جۇماعازيەۆ, مەرسايد جاقسىباەۆ, نۇرتىلەك قاجىعالي, ءادىل عالياحمەتوۆ, ەركەبۇلان شامۇحانوۆ, ولگا تيحونوۆا جانە الەنا ۆولكوۆيتسكايا. الەم كۋبوگىنىڭ ءتورتىنشى كەزەڭى 8-10 جەلتوقسان كۇندەرى قىتايدىڭ شانحاي قالاسىندا وتپەك.
ايتا كەتەيىك, اقش-تا وتكەن الەم كۋبوگىندە قازاقستاندىق ابزال اجىعاليەۆ 500 مەترگە جارىسۋدان قولا جۇلدەگەر اتاندى.