مادەنيەت جانە سپورت ءمينيسترى اقتوتى رايىمقۇلوۆا Junior Eurovision - 2019 ءان بايقاۋىندا جۇلدەلى 2-ورىن العان ەرجان ماكسيمدى جەڭىسىمەن قۇتتىقتادى.
«قۇرمەتتى ەرجان! ءسىزدى Junior Eurovision song contest-2019 بايقاۋىندا جۇلدەلى ەكىنشى ورىن الۋىڭىزبەن شىن جۇرەكتەن قۇتتىقتايمىن! ءسىز پولشانىڭ گليۆيتسە قالاسىندا وتكەن Junior Eurovision حالىقارالىق ءان بايقاۋىنداعى جارقىن ونەرىڭىزبەن كەزەكتى رەت اسقاق ارمانعا دەگەن قۇلشىنىسى زور دارىندى, ەڭبەكقور ءانشى ەكەنىڭىزدى پاش ەتتىڭىز. راسىندا, ءسىزدىڭ ورىنداۋىڭىزداعى اسەم ءان الەم حالىقتارىنىڭ قازاق مادەنيەتىمەن تانىسا تۇسۋگە دەگەن قۇشتارلىعىن وياتقانى ءسوزسىز. الداعى ۋاقىتتا دا جاھاندىق بايقاۋلاردا ءساتتى ونەر كورسەتىپ, جارقىن جەتىستىكتەرىڭىزبەن ەل مەرەيىن ۇستەم ەتە بەرىڭىز. وسىناۋ ءساتتى پايدالانا وتىرىپ, سىزگە زور دەنساۋلىق, تولايىم شىعارماشىلىق تابىس تىلەيمىن!», دەلىنگەن ءمينيستردىڭ قۇتتىقتاۋىندا.