كاسىپقوي بوكس: بەيسەنبىنىڭ باعى جاندى

وسى بوكس كەشىندە قىتايدا تۋىپ-وسكەن 25 جاستاعى قانداسىمىز بەيسەنبى ناسيوللا ۇلى دا ونەر كورسەتتى. وسىعان دەيىن 20 مارتە رينگكە شىققان ول 16 باسەكەنى ءوز پايداسىنا شەشكەن ەدى. التى جەكپە-جەكتى نوكاۋتپەن اياقتادى. ءۇش رەت ۇتىلىپ, تاعى ءبىر كەزدەسۋدە تەڭ ەسەپ تىركەلدى. 

بۇل جولى ءبىرىنشى ورتا سالماقتاعى قازاق بوكسشىسىنىڭ جولى مەكسيكالىق ساۋل كوررالمەن (31-15, 20 كو) قيىستى. سەگىز راۋندتىق سايىستا بەيسەنبى ناسيوللا ۇلى ۇپاي سانىمەن جەڭىسكە جەتتى. 

ال ينديوداعى جارىستىڭ باستى جەكپە-جەگىندە نيكاراگۋالىق رەنە الۆارادو (32-8, 21 كو) امەريكالىق ەندريۋ كانچيونى (21-5-2, 16 كو) تەحنيكالىق نوكاۋتپەن ۇتىپ, WBA نۇسقاسىنىڭ ەكىنشى جارتىلاي جەڭىل سالماقتاعى چەمپيوندىق بەلبەۋىن يەلەندى.