قۇرلىقتىق حوككەي ليگاسىندا (قحل) كۇش سىناسىپ جۇرگەن «بارىس» نۇر-سۇلتاندا ەكاتەرينبۋرگتىڭ «اۆتوموبيليست» كلۋبىن قابىلدادى.
وتە شيەلەنىستى وتكەن باسەكە بارىسىندا قوناقتار ەكى مارتە العا شىققان ەدى. سوعان قاراماستان جەرلەستەرىمىزدىڭ جىگەرى جاسىعان جوق. جانكەشتىلىك تانىتقان ولار ەكى رەتىندە دە ەسەپتى تەڭەستىردى.
اتاپ ايتساق, العاشقى گولدى 10-مينۋتتا پيتەر حوللاند سوقتى. 30-مينۋتتا دميتري شەۆچەنكو قارىمتا قايىردى. 43-مينۋتتا «بارىستىڭ» بۇرىنعى ويىنشىسى نايدجەل دوۋس ء«اۆتوموبيليستى» العا شىعاردى. ارادا ءتورت مينۋت وتكەننەن كەيىن ليننۋس ۆيدەلل مەرگەندىك تانىتتى. نەگىزگى ۋاقىتتا جەڭىمپاز انىقتالماعاننان كەيىن ويىن وۆەرتايمعا ۇلاستى. بۇل رەتتە «بارىستىڭ» باعى جاندى. جەڭىس شايباسىن قاقپاعا ءدوپ تۇسىرگەن – داررەن ديتس. ەسەپ – 3:2.
قازىرگى كەزدە نۇر-سۇلتاننىڭ حوككەيشىلەر شىعىس كونفەرەنتسياسىندا ءتورتىنشى جانە تۇراقتى بىرىنشىلىكتە جەتىنشى ورىندى يەلەنۋدە. جەرلەستەرىمىز 27 كەزدەسۋدەن كەيىن 35 ۇپاي جيىپ وتىر. 22 قاراشادا «بارىس» ءوز مۇز ايدىنىندا قازاننىڭ «اق بارسىن» قابىلدايدى.