بۇكىلالەمدىك بوكس ۇيىمى (WBO) ءتۇرلى سالماق دارەجەسى بويىنشا ءوزىنىڭ جاڭا رەيتينگىن جاريا ەتتى.
تاياۋدا عانا الماتىداعى بالۋان شولاق اتىنداعى سپورت سارايىندا 10 راۋندتىق جەكپە-جەكتە نيگەريالىق ۋولتەر كاۋتوندوكۆانى ۇپاي سانىمەن ۇتىپ, ورت سالماقتا WBO International نۇسقاسى بويىنشا التىن بەلبەۋدى يەلەنگەن قانداسىمىز قانات يسلام ءۇش ساتىعا كوتەرىلىپ, قازىرگى كەزدە بەسىنشى ورىندى يەلەنۋدە.
10 قاراشادا اقش-تىڭ فرەسنو قالاسىندا جانىبەك ءالىمحان ۇلى كانادالىق البەرت ونولۋنوسەنى التىنشى راۋندتا ۇرىپ جىعىپ, وزىنە تيەسىلى WBC Continental Americas جانە WBO Global نۇسقالارىنىڭ چەمپيوندىق اتاقتارىن قورعاپ قالعان ەدى. وسى جەڭىسىنىڭ ارقاسىندا قازاق بوكسشىسى ورتا سالماق دارەجەسى بويىنشا 13-ورىننان التىنشى ساتىعا جوعارلادى.
سونداي-اق قازاقستاننىڭ قوس ورەنى – ايدوس ەربوسىن ۇلى مەن جانقوش تۇراروۆ تا WBO نۇسقاسى بويىنشا ۇزدىك وندىقتىڭ قاتارىندا.