تۇڭعىش پرەزيدەنت – ەلباسى نۇرسۇلتان نازارباەۆ بىرىككەن اراب امىرلىكتەرىنىڭ پرەزيدەنتى حاليفا بەن زايد ءال-ناحايانعا اعاسى شەيح سۇلتاننىڭ قايتىس بولۋىنا بايلانىستى كوڭىل ايتتى. بۇل تۋرالى تۇڭعىش پرەزيدەنتتىڭ رەسمي سايتى حابارلادى.
باۋىرىڭىز ءارى بىرىككەن اراب امىرلىكتەرىنىڭ ابىرويلى ساياسي قايراتكەرى شەيح سۇلتان بەن زايد ءال ناحاياننىڭ دۇنيەدەن وزعانى تۋرالى سۋىت حاباردى زور كۇيزەلىسپەن قابىلدادىم.
شەيح سۇلتان بىرىككەن اراب امىرلىكتەرىنىڭ اياقتان تۇرىپ, گۇلدەنۋىنە ەرەكشە ۇلەس قوسقان تۇلعا رەتىندە ەل تاريحىندا وشپەس ءىز قالدىردى. ونىڭ جارقىن بەينەسى امىرلىكتەر حالقىنىڭ جۇرەگىندە ءاردايىم ساقتالاتىنىنا سەنىمدىمىن.
وسىناۋ سىن ساعاتتا, اسا قۇرمەتتى پرەزيدەنت مىرزا, سىزگە جانە وتباسىڭىزدىڭ مۇشەلەرىنە سابىر تىلەپ, ازالى كوڭىلىمدى بىلدىرەمىن.