پرەمەر-مينيستر اسقار مامين وزبەكستان رەسپۋبليكاسىنىڭ ء(ور) اۋىل شارۋاشىلىعى ءمينيسترى جامشيد حودجاەۆتىڭ جەتەكشىلىگىمەن كەلگەن دەلەگاتسيانى قابىلدادى. بۇل تۋرالى primeminister.kz حابارلادى.
«قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆ پەن وزبەكستان پرەزيدەنتى يسلام كاريموۆتىڭ كۇش-جىگەرىنىڭ ارقاسىندا ءبىزدىڭ ەلدەرىمىزدىڭ اراسىنداعى ىنتىماقتاستىق ساپالىق تۇرعىدا جاڭا دەڭگەيگە شىقتى. مەملەكەت باسشىسى قاسىم-جومارت توقاەۆ وزبەكستانمەن ستراتەگيالىق سەرىكتەستىكتى ودان ءارى نىعايتۋ باعىتىن جالعاستىرۋدا», - دەدى ا.مامين.
پرەمەر-مينيستر اگروونەركاسىپتىك كەشەن ونىمدەرىن ءوزارا جەتكىزۋدى ارتتىرۋ, ينۆەستيتسيالىق جوبالاردى بىرلەسىپ جۇزەگە اسىرۋ جانە ءۇشىنشى ەلدەردىڭ نارىعىنا شىعۋ ءۇشىن ەداۋىر الەۋەتتىڭ بار ەكەنىن اتاپ ءوتتى.
بيىل 9 ايدا قر جانە ءور اراسىنداعى اۋىل شارۋاشىلىعى شيكىزاتى وڭدەلگەن ونىمدەرى مەن اۋىل شارۋاشىلىعى ونىمدەرىنىڭ تاۋار اينالىمى $770 ملن-عا جۋىقتادى. قازاقستاننىڭ وزبەكستانعا ەكسپورتىنىڭ نەگىزگى كولەمى بيداي مەن مەسلينگە, بيداي نەمەسە بيداي-قارا بيداي ۇنىنا, كۇنباعىس دانىنە, قانتقا, ءىرى قارا مالعا, بيداي قالدىعىنا تيەسىلى. وزبەكستان قازاقستانعا نەگىزىنەن شيە مەن قىزىل شيە, بالعىن ءجۇزىم, ورىك, قىزاناق, شابدالى, قۇرما, كوكونىس ەكسپورتتايدى.
كەلىسسوزدەر قورىتىندىسى بويىنشا ۇكىمەت باسشىسىنىڭ قاتىسۋىمەن ەكى ەلدىڭ اۋىل شارۋاشىلىعى مينيسترلەرى قر مەن ءور اراسىندا اۋىل شارۋاشىلىعى سالاسىندا ورتاشا مەرزىمدى پرەسپەكتيۆاعا ىنتىماقتاستىقتى جانداندىرۋ جونىندەگى جول كارتاسىنا قول قويدى.
قۇجات اۋىل شارۋاشىلىعى عىلىمى, ءوندىرىس, سەرتيفيكاتتاۋ, ساۋدا, تسيفرلاندىرۋ, ۆەتەريناريا جانە مال شارۋاشىلىعى, وسىمدىكتەر كارانتينى سالالارىندا 2019-2024 جىلدارى ءوزارا ءىس-قيمىلدى دامىتۋ شارالارىن قامتيدى.