قاراشاداعى قوڭىر ولەڭ

قاراشا كەشىن جاس اقىن نۇربولات جولداسبەك جۇرگىزدى. پوەتيكالىق كەشتە اۋەلى جاس ونەرپاز سايات تۇردالى ساك­سوفون اسپابىمەن كەرەمەت اۋەن وي­­ناپ, كوپشىلىكتى ءتانتى ەتتى. ال جاس اقىن ارايلى جاقسىلىق كەلۋشىلەرگە «اۆان­گارد» جوباسىنىڭ ءمانىن اشىپ تانىس­تىردى. ول ءوز سوزىندە كەشتىڭ باس­تى ماقساتى وقىرمانعا ەستەتيكالىق ءلاززات سىيلاۋ, مارتەبەلى پوەزيانىڭ قۇدىرەتىن وقىرمانعا سەزىندىرۋ ەكەنىن ايتتى. كۇزگى كەشتىڭ باستى ەرەكشەلىگى رەتىندە شاراعا كەلگەن ولەڭسۇيەر قاۋىمنان اق جانە قارا ءتۇستى درەسس-كود تالاپ ەتىلدى. كەش بارىسىندا تابيعات ابايلداەۆ, دانيار الىمقۇل, نۇرجان قادىرالى, نازەركە وڭعار, شاپاعات ءابدىر جانە وزگە جاس اقىندار دا ءتۇرلى تاقىرىپتاردا ولەڭ وقىپ, ءومىردىڭ اق پەن قارا تۇستەردەن تۇراتىنىن جىر­­لارى ارقىلى ۇعىندىردى. سو­نىمەن قاتار جاستاردىڭ كەشىنە ارۋ الماتىدان تانىمال ونەر جۇل­دىزى قادىرعالي كوبەنتاي ارنايى كەلىپ, ءوز لەبىزىن ءبىلدىردى. «اۋليەاتا وڭىرىندە نەبىر مىقتىلاردىڭ وتكەنىن بىلەمىز. قازاق – اقىنىن ارداقتاعان حالىق. وسىنداي كەشتەر ارقىلى قالامگەرلەر ءبىر-بىرىمەن جاقىن تانىسىپ, شىعارماشىلىق بايلانىس ورناتادى», دەدى ول. قادىرعالي كوبەنتاي گيتارامەن ءوزىنىڭ «ەلگە سالەم», «ايت دەدىڭ-اۋ», «ۇنايدى» اندەرىن ورىنداپ, كوپشىلىكتىڭ ىقىلاسىنا بولەندى. ءوز كەزەگىندە نۇرلان ابدىكارىم دانيار الىمقۇلدىڭ سوزىنە جازىلعان «قالاۋ» اتتى ءانىن ورىنداپ, تۇساۋىن كەستى. جالپى, بۇل كۇنى اشىق ميكروفوندا اقىندار عانا ەمەس, ولەڭسۇيەر قاۋىم دا ولەڭ وقىپ, وزدەرىنىڭ پوەزيا تۋرالى پىكىرلەرىن ءبىلدىردى.

اتالعان جىر كەشىنە قازىنالى قاراتاۋدان كەلگەن ەرلى-زايىپتى اقىن­دار ەربول قامباتىروۆ پەن ءۇمىت بي­تەنوۆا ءان شىرقاپ, ولەڭ وقىدى. ال تاراز قالالىق «Jambyl-Taraz» گازە­تىنىڭ ديرەكتور-باس رەداكتورى ەلميرا مىرزا-عالي دا اۋەلەتە ءان سالىپ, ولەڭ وقىسا, جاس اقىندارعا قولداۋ كورسەتكەن كاسىپكەر جانار بۇركىتباەۆا دا كەش تورىنەن تابىلدى. وسىلايشا جامبىلدىق جاستار ساعىنىش ايىن, مۇڭ مەزگىلىن جۇرەك تورىنە ماڭگىلىك ساقتاپ قالاتىنداي كوركەم كەشتىڭ كۋاسى بولدى.