قازاقستان رەسپۋبليكاسىنىڭ تۇڭعىش پرەزيدەنتى – ەلباسى كەڭسەسىنىڭ باسشىسى ماحمۇت قاسىمبەكوۆتىڭ "ەلباسى جانە تۇلەگەن تۇركىستان» اتتى ماقالاسىن ءبىر دەممەن وقىپ شىقتىم. مۇندا تاريحي قالانى تۇرلەندىرۋدىڭ ماڭىزدىلىعى مەن ەلباسىنىڭ تاريحي شەشىمىنىڭ ءمانى ەگجەي-تەگجەيلى تۇسىندىرىلگەن.
حان-سۇلتاندار ماڭگىلىك تۇراق تاپقان كيەلى تۇركىستان قالاسى ەلباسى نۇرسۇلتان نازارباەۆتىڭ شەشىمىمەن وبلىس ورتالىعى عانا ەمەس, بۇكىل تۇركى الەمىنىڭ مادەني استاناسىنا, رۋحاني ورتالىعىنا اينالماقشى. وسى ماقساتتا بۇگىندە شاھار الىپ قۇرىلىس الاڭىنا اينالعان. وسىدان ەكى-ءۇش اپتا بۇرىن كورگەن ورىندى قايتا ورالىپ كەلگەنىڭدە ءتىپتى تانىماي قالاسىڭ. ەرەكشە ۇلگىدە جاسالعان سۋبۇرقاقتار, سىلق-سىلق ك ۇلىپ اققان بۇلاق سۋى, عاجاپ ۇلگىدەگى عيماراتتار, گۇلزارلار, ايرىقشا جاسالعان جادىگەرلەر شاھاردىڭ شىرايىن ۇستەي تۇسكەن.
قۇرىلىس جۇمىستارى قىزۋ قارقىن العان قالاعا ەلباسى نۇرسۇلتان نازارباەۆتىڭ ارنايى كەلىپ, وسىنداعى قارقىندى جۇمىس بارىسىمەن تانىسۋى حالىقتىڭ شاھاردىڭ ەرتەڭىنە دەگەن سەنىمىن ارتتىردى. ويتكەنى بۇل شاھاردىڭ گۇلدەنۋىنىڭ, قايتا جاڭعىرۋىنىڭ, جارقىراۋىنىڭ باستاۋىندا ەلباسىنىڭ ءوزى تۇرۋى كوڭىلگە قۋانىش ۇيالاتادى.
اسەلحان قالىبەكوۆا,
قازاقستاننىڭ حالىق اقىنى