قاراعاندى وبلىسى اكىمىنىڭ ءبىرىنشى ورىنباسارى اسىلبەك دۇيسەباەۆ «اشىق ديالوگ» پورتالىندا 11 قاراشا كۇنى ساعات 15.00-دەن 18.00-گە دەيىن «قاراعاندى وبلىسىنداعى جول قۇرىلىسىنىڭ قورىتىندىسى مەن كەلەشەگى» اتتى ينتەرنەت-كونفەرەنتسيا وتكىزەدى.
Dialog.egov.kz پورتالىندا وتەتىن كونفەرەنتسيادا سۇراق قويۋ ءۇشىن مىندەتتى تۇردە تىركەلۋ كەرەك.
ەسكە سالساق, «اشىق ديالوگ» پورتالى – قازاقستان رەسپۋبليكاسى «اشىق ۇكىمەتىنىڭ» قۇرامداس ءبىر بولىگى جانە ول مەملەكەتتىك ورگاندار مەن قوعام اراسىندا ءتيىمدى كەرى بايلانىس ورناتۋعا ارنالعان الاڭ.
ايتا كەتكەن ءجون, كەلەسى جىلى قاراعاندى وبلىسىندا جول ينفراقۇرىلىمىن جاقسارتۋ ماقساتىنا 19 ملرد تەڭگە قاراجات بولىنبەكشى. بۇل تۋرالى وبلىستىق ءماسليحاتتىڭ دەپۋتاتتارىمەن كەزدەسۋ بارىسىندا ءوڭىر باسشىسى جەڭىس قاسىمبەك مالىمدەدى.
رەسپۋبليكالىق بيۋدجەتتەن بولىنگەن قارجىعا نوۆودولينكا-شاحان-مولودەتسكايا, وساكاروۆكا-مولودەجنوە جانە قاراجال-اتاسۋ باعىتىنداعى ءۇش اۆتوجولدى قايتا جاڭعىرتۋ جوسپارلانعان. سونىمەن قاتار, سوقىر جانە نۇرا وزەندەرىنە ەكى كوپىر سالىنادى.
قاراعاندى وبلىسى