Nur Otan پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى ەلۋباي ابىلوۆ Nur Otan پارتياسى قاراقيا اۋداندىق فيليالىنىڭ ءماجىلىس زالىندا قوعامدىق قابىلداۋ وتكىزدى. قابىلداۋعا قۇرىق اۋىلىنىڭ اكىمى م.تولەگەنوۆ جانە ءار سالاعا جاۋاپتى ءبولىم باسشىلارى مەن ماماندار شاقىرىلدى. بۇل تۋرالى فيليالدىڭ ءباسپاسوز قىزمەتى حابارلادى.
قابىلداۋعا كەلگەن 20 تۇرعىننىڭ ارىزى قارالدى. تۇرعىندار ماسەلەسىنىڭ باسىم بولىگى باسپانا, جۇمىسقا ورنالاسۋ, دەنساۋلىق جايىندا, كوشەلەردە جارىقتىڭ بولماۋى, قوقىس ماسەلەسى, جەر تەلىمى جانە جەكە سۇراقتار. قوعامدىق قابىلداۋدا بىرقاتار ازاماتتاردىڭ ماسەلەسى وڭ شەشىلدى.
سولاردىڭ ءبىرى اقتاۋ قالاسىنىڭ تۇرعىنى گەلمان نۇرداۋلەت «مرەك» اق مەكەمەسىندە جۇمىس ىستەيدى. اقتاۋ-قۇرىق اراسىندا قاتىناپ جۇرگەندىكتەن, اۋىل ىشىنەن جاتاقحانا سۇرايدى. بۇل ازاماتتىڭ ارىزى قاناعاتتاندىرىلدى. قاراقيا اۋداندىق تۇرعىن ءۇي-كوممۋنالدىق شارۋاشىلىعى, جولاۋشى كولىگى جانە اۆتوموبيل جولدارى ءبولىمى» مم-ءنىڭ باس مامانى ن. ساداقباەۆاعا تاپسىرما بەرىلدى.
باسپانا ماسەلەسى بويىنشا شاعىمدانعان تۇرعىنداردىڭ ءبىرى جاسىنان جەتىم ابدىعالي يسلام ءۇي كەزەگىندە تۇرىپ, ودان زاڭسىز شىعارىلىپ تاستالعانىنا نارازىلىعىن ايتتى. قابىلداۋعا كەلگەن بيكەشوۆا ىڭكار 2017 جىلى تۋىلعان قۇلاعى ناشار ەستيتىن قىزىنىڭ قۇلاق اپپاراتىن جاڭاسىنا اۋىستىرىرىپ بەرۋدى سۇرادى.
تاعى ءبىر تۇرعىن قۇرىق اۋىلى اۆياتور كوشەسىندە جارىق شامدارىنىڭ جوق ەكەنىن ايتىپ ارىزداندى. بۇل ماسەلە «مرەك» اق مەكەمەسىمەن تولىقتاي شەشىلەتىن بولىپ كەلىسىلدى. قۇرىق اۋىلى 3 شاعىن اۋداننىڭ 5,6,7 ءۇيدىڭ ءبىر توپ تۇرعىندارى بالالار وينايتىن الاڭ سۇرادى.
ەسكىرگەن فۋتبول الاڭىنا دا جوندەۋ جۇمىستارىن قاجەتتىگىن العا تارتتى.
- بۇل ماسەلەلەر بۇرىننان بار, ءبىز ارنايى كوميسسيا قۇرىپ, اۋلانى قاراپ, ماسەلەنىڭ شەشىمىن تاباتىن بولامىز, - دەدى قۇرىق اۋلىنىڭ اكىمى م. تولەگەنوۆ.
تۇرعىنداردىڭ باسىم كوپشىلىگى جۇمىسقا ورنالاسۋ بويىنشا كومەك سۇرادى. ءاربىر تۇرعىننىڭ ماسەلەسىن مۇقيات تىڭداعان Nur Otan پارتياسى ماڭعىستاۋ وبلىستىق فيليالى توراعاسىنىڭ ءبىرىنشى ورىنباسارى ەلۋباي ءابىلوۆ جاۋاپتى مەكەمە باسشىلارىنا بىرقاتار تاپسىرمالار بەردى. Nur Otan پارتياسى قاراقايا اۋداندىق فيليالى توراعاسىنىڭ ءبىرىنشى ورىنباسارى ق.كوشەنوۆكە ارىزداردىڭ ورىندالۋىن باقىلاۋعا الۋدى تاپسىردى.
تامىز ايىندا Nur Otan پارتياسىنىڭ كەڭەيتىلگەن وتىرىسىندا پارتيا توراعاسى, تۇڭعىش پرەزيدەنت نۇرسۇلتان نازارباەۆ حالىقپەن بايلانىستى كۇشەيتۋدى, ونىڭ ىشىندە قوعامدىق قابىلداۋ بولمەلەرىنىڭ جۇمىسىن جانداندىرۋدى تاپسىردى. پرەزيدەنت قاسىم-جومارت توقاەۆ تا «قوعاممەن بايلانىستى نىعايتىپ, حالىققا ەسەپ بەرىڭدەر» دەدى.
Nur Otan پارتياسى ماڭعىستاۋ وبلىستىق فيليالى قوعامدىق قابىلداۋى وزىنە جۇكتەلگەن مىندەتتەردى جاقسى تۇسىنەدى. مەملەكەتتىك ورگاندار, ماسليحاتتاعى دەپۋتاتتىق فراكتسيا مۇشەلەرى جىل باسىندا بەكىتىلىپ, پارتيانىڭ رەسمي سايتىنا, باق-تا جاريالانعان كەستە بويىنشا ازاماتتاردى قابىلدايدى. قابىلداۋعا كۇنىنە 10-15 ادام كەلەدى, تيىسىنشە ارىز-تالاپتارعا پارتيانىڭ زاڭگەرى زاڭ اياسىندا كەڭەس بەرەدى. Nur Otan پارتياسىنىڭ «زاڭگەرلىك كومەك» جوباسى اياسىندا مەموراندۋمعا ساي, وڭىردەگى بىلىكتى زاڭگەرلەر, مەدياتورلار تۇرعىنداردى قابىلدايدى. قابىلداۋ بويىنشا وبلىستا پارتيانىڭ «كەدەرگىسىز كەلەشەك» اكتسياسى, «اشىق ەسىك» كۇندەرىنەن بولەك, كوشپەلى قابىلداۋلار دا وتەدى.